好聲好戲｜黃翠如舔自己成功獲鼎爺讚夠姣 謝嘉怡聲演司棋姐唔多掂似女傭

無綫配音比賽《好聲好戲》昨晚（11日）第二組首回戰，參賽者皆被冠上稱號，有「大廚人妻」黃翠如、「香港代表」謝嘉怡、「編導演鬼才」鄧智堅及「配音路人甲」張振朗。當中翠如聲演《來自喵喵星的你》的楊秀惠，自己舔自己隻手，成功演繹女方舔陳豪額頭傷口時的聲音，獲評判之一的鼎爺（李家鼎）大讚做到壞女人的姣味；向來廣東話麻麻的謝嘉怡，聲演《溏心風暴》的李司棋則失敗收場，評判曹張炳評她似女傭。

{{hket:inline-image name="05121112.jpg"}}{{/hket:inline-image}}

{{hket:inline-image name="05121114.jpg"}}{{/hket:inline-image}}

愛美麗狂想曲│蕭正楠憶「邪不能勝正」拖累事業 曾盤問老婆黃翠如同洪永城關係【下一頁】

今次人妻黃翠如鬥港姐謝嘉怡，看起來喜感十足，想不到翠如做壞女人也勝任，她表示：「我恨做呢類（好姣）角色好耐，唔知係咪監製睇到我身材，所以唔畀我做呢啲好姣角色，我覺得呢啲（人物）聲音要好好運用。」更表明今次參加比賽的原因，是經常聽到外界話她把聲好難聽，好想藉此有所進步。

（↓點擊放大睇圖片↓）

混血兒謝嘉怡當日選港姐時，在才藝表演環節上，以半鹹淡的廣東話唱《上海灘》，靠真性情贏得評判不少分數，而當選後主持《善心滿載仁愛堂》，一度疑似爆粗，可見其廣東話水平認真麻麻。謝嘉怡今次挑戰司棋姐的經典對白「邊個係人邊個係鬼，我睇得出！」，阿姐汪明荃睇完後說：「覺得佢甩口（形）甩咗好多，佢係咪唔識睇中文？好似要再加努力先得。」另一評判曹張炳表示：「感覺唔似係做緊阿媽，似係做緊工人，似菲傭姐姐咁。」

愛回家｜謝嘉怡靜雞雞飛蘇格蘭過母親節 媽媽收驚喜天然呆攬足25秒唔放【下一頁】

主持人阮兆祥追問她如何了解對白？謝嘉怡答：「經理人打嚟講劇本，我寫拼音出嚟背，不過（片段節奏）有時好慢，下一幕又好快，所以我講快咗少少，甩咗﹗我參加呢個比賽，因為我啲廣東話麻麻哋，覺得可以挑戰自己，又可以講好啲廣東話。」

至於鄧智堅、張振朗兩名男士，分別聲演《成語動畫廊》及《大帥哥》。鄧智堅一人聲演三把聲音，獲得評判一致讚賞，相信大家可暫忘他扮「薑蓉」的事情。張振朗挑戰張衛健的急口令對白，阿姐認為他欠缺霸氣，鼎爺嫌聲調不夠紮實，張振朗表示︰「點解我要參加呢個比賽？因為我好多回憶都同聲有關，小學時候，好多朋友仔經常扮某個人物講對白，自己印象好深刻，希望呢個比賽可以勾番起大家對某啲劇集嘅回憶。」

（↓點擊放大睇圖片↓）

今集《好聲好戲》第二組藝人作賽，主席評判只保留汪明荃，另外兩位換上李家鼎及資深配音員張炳強。專業評判團更是全新組合，有梁偉德（代表作《櫻桃小丸子》花輪同學）、曾秀清（代表作《如懿傳》「孝賢皇后」董潔）、曹啟謙（代表作《延禧攻略》「傅恆」許凱）及黃昕瑜（代表作《多啦A夢》多啦A夢）。

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】