陳柏宇疑墮網騙陷阱成受害者 鱷魚頭老襯底：試過3次被人呃

陳柏宇（Jason）是網購達人，就算疫情前，Jason都喜歡在網上買心頭好，小至日用品到大型家電，再加埋囡囡出世後，BB用品及玩具等他都一樣照買，不過就算是網購老手，都難免「中伏」。

昨日Jason就在IG限時動態內自爆遇上「網騙」，上載一款外型cyber的手機座網購圖，他寫著「本來買呢樣……」，下一幅圖只見到用透明膠包住的「螢光綠色布條」，說好的「手機座」呢？Jason就寫著：「點知嚟咗呢樣……你大佬我又俾人呃……」

{{hket:inline-image name="14.jpg"}}{{/hket:inline-image}}

陳柏宇一向醒醒目目，一樣屢遭網騙。（圖片：陳柏宇IG）

{{hket:inline-image name="Inked02_LI.jpg"}}{{/hket:inline-image}}

陳柏宇在IG限時動態出po，話自己喺呢間網店買電話座而中伏。（圖片：陳柏字IG）

上一胎不幸宮外孕｜陳柏宇妻再懷孕胎兒患愛德華氏症 佗13周做人工流產：是沒希望的病 【下一頁】

受害者Jason並非首次中伏，太太符曉薇（Leanne）都忍不住在IG恥笑老公，片段中鏡頭影住螢光綠色布條時，聽到Leanne說：「話說我老公喺網上買個手機座……我哋一齊睇吓個手機座……咩嚟㗎？」綠色布條仲要薄到透光，隨風飄盪，「佢（Jason）話佢畀人呃呀！佢已經唔係第一次，成日買嘢畀人呃！」

（↓點擊放大睇圖片↓）

對於遭受「網騙」可會追究或報警處理一事，Jason回覆《晴報》說：「應該可以追討得到，因為同咗信用卡公司講咗件事，佢哋會處理呢宗交易，若果證實係有問題，信用卡就唔需要我找數；咁我都有email去嗰間網店，亦有人覆咗我，話唔係網騙。我唔知佢真定假，但某啲呃人嘅網店係會走法律隙，點都會寄啲嘢畀你，到有人追究先會寄番真嘅貨畀你，我唔排除有呢個可能性。」同時表示該購物網站是在新加坡：「睇番落單嘅日子，我喺得嗰段時間買過嘢，而又係喺新加坡寄出嘅。」

問到手機座的價錢及螢光綠色布條究竟是甚麼東西來？Jason說：「個手機座都唔平，要50美金（約港幣400元），而綠色帶係有拉力嗰啲彈性運動帶嚟，我都未見過咁薄咁細嘅運動帶囉！」畀太太Leanne取笑他經常遇到網騙，Jason認衰，笑謂︰「如果計寄嚟嘅貨，有貨不對版嘅情況係第3次，而齋被呃錢連貨都收唔到嘅情況都有好幾次！」雖然屢次受騙，但都沒有嚇怕他，一於繼續網購的習慣，惟一可做到只有小心再小心，幫襯有信譽的網店。

（↓點擊放大睇圖片↓）

撰文：衛紫敏

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

真人騷吐真言？︳張栢芝無懼再婚為對方講我願意 去年揚言封肚 竟反口話3個太少？【下一頁】