尾場淚灑九展｜MIRROR承諾進軍紅館開演唱會 姜濤期待拍處男作與毛舜筠演母子

人氣男團MIRROR假九展Star Hall舉行的一連六場《MIRROR"ONE & ALL"LIVE 2021》演唱會，昨晚圓滿落幕！眾人登上飛船獻唱，唱到《幸福之歌》時，成員們感動得流下男兒淚，互相拍肩安慰，場面非常感人。而在encore唱最後一首歌《One and All》前，各成員在台上發表感言，隊長Lokman坦言一開始收到要做六場的指令，表示「覺得會死人」。到排練開始，自己慢慢建立起對兄弟的信心，到後期更有「個show一定好睇」的感覺；同時指出MIRROR經歷了太多高高低低，「明白1+1係大過2」，會珍惜這份友誼，見證「One and All」。

（↓點擊圖片放大睇 演唱會精華片段↓）

騷後一眾成員舉行慶功宴及接受傳媒訪問，眾人笑言一完騷就想喪食所有不健康的食物。而演唱會中負責騷肌的Lokman、Anson Kong（AK）、Stanley、Frankie、Tiger和Alton要節食及食足3星期健康餐去減肥。Jer爆料指Lokman開騷前只食青瓜、西芹，「好似羊咁！」Alton每次外賣時都要將食物過一下熱水才敢食。

{{hket:inline-image name="DSC_9226.JPG"}}{{/hket:inline-image}}

提到眾人坐在飛船上，極為感觸爆喊，Stanley就爆Edan「唔識喊」，Lokman笑指有叫Edan睇醫生醫淚腺，AK加多一腳暗示Edan好「冷血」，「落到台11個都有喊，惟獨有一個人好冷靜咁觀察所有人。」Edan笑稱︰「總要有個人做安慰嘅角色。」

提到誰是團中的「喊包」，大家公認是姜濤、Jeremy及Jer。Jer指每次見到Jeremy落淚，自己亦會感觸到想喊；AK指坐飛船一幕自己的情緒充滿矛盾，「嗰時好感動想喊，但聽到上帝（花姐）嘅聲音，喺耳機同我哋講『錄緊影要專心唱』！」

{{hket:inline-image name="DSC_9218.JPG"}}{{/hket:inline-image}}

談及母親節當日姜濤的父母亦有入場支持，父親撐拐杖現身，「屋企人行動唔係好方便，辛苦佢哋過嚟睇騷，好多謝佢哋，自己都好開心！」而Ian、Jer、Lokman、Frankie及Stanley的女友亦有撐場，Stanley女友Alina更睇足三場！

{{hket:inline-image name="DSC_9246.JPG"}}{{/hket:inline-image}}

人氣爆燈的MIRROR開騷一票難求，在尾場有黃牛飛炒至23萬，更有一張黃牛飛以1.7萬成交，12子都甚為吃驚，「應該要同佢影番張相，好有興趣想認識佢！」Lokman隨即笑住勸導粉絲，「但其實大家唔應該買黃牛飛，欺騙係一個唔要得嘅行為，要打pat pat！」他們再一次勸粉絲不應該買炒飛！

問到眾人下一步是否於紅館開騷，Lokman肯定表示：「紅館一定開，睇吓幾時！（入咗紙？）唔知道，希望可以籌備更好、更大型、更完美嘅演唱會！（想幾時開？）我出solo歌嘅時候，有自己歌開心啲！」Lokman謂最後兩場都有錄影，會出DVD。

{{hket:inline-image name="DSC_9212.JPG"}}{{/hket:inline-image}}

一連六場演唱會均有不少前輩如古天樂、毛舜筠撐場，12子非常開心及滿足。問到姜濤是不是會跟毛舜筠合作拍電影，他指好期待自己的處男作，不過詳情要等公司安排。而經理人花姐受訪時，表示公司的確有計劃於今年內安排姜濤拍電影，但還要開會商討。

問到MIRROR下一步是否進軍紅館？花姐說有此打算，但否認有入紙紅館：「我係一個唔貪心嘅人，我希望下個騷大家係睇到新嘢，有質素嘅我先擺上紅館，我冇話唔做，但要喺適當嘅時候。」

（↓點擊圖片放大↓）

MIRROR演唱會│成員除衫曬肌派福利 姜濤驚青畏高 Do姐捱夜捧場 花姐：只畀60分 【下一頁】

撰文：林惠珊

攝影：林良明