17年前拍亞視劇｜王秀琳被網民指摘當年「屈人非禮」 爆事件男主角有6次非禮人記錄

現年40歲的王秀琳（Mango）淡出娛樂圈，昨晚罕有現身做「鬼王」潘紹聰的網上節目。有網民在節目中指責Mango冤枉某人非禮，令她嬲爆重提當年慘遭非禮一事，指自己沒有誣衊別人非禮，「以前有好多新聞誤會我人格，而我冇機會去解釋，加上以前唔夠膽去講。」又話自己當時只係20歲出頭，絕對唔會生安白造咁丟臉嘅事！

{{hket:inline-image name="dsvsd.png"}}{{/hket:inline-image}}

Mango回想起拍攝《我和殭屍有個約會III之永恆國度》的情況，「當日係開鬼門關嘅日子，我住觀塘，拍親嗰齣劇，劉以達同佢老婆都會兜埋我返屋企。但嗰日戲份冇劉以達，得我一個。嗰陣時其中一位演員，唔想開名，佢走埋嚟話陣間收工一齊去食飯，之後我就同佢食宵夜，嗰次係我第一次接觸『男主角』。食完飯，『男主角』話住將軍澳順路兜埋我返去……佢成個人好快擒上我身上，真係好誇張！唔係特登講衰人哋，唔好話發毒誓，總之我唔會講大話！我喺車入面喊，求佢放我走，佢好大力壓落嚟，我係咁喺度喊，求佢放我走……」

{{hket:inline-image name="a065eaa574e4942c274749fc08bfec8c.jpg"}}{{/hket:inline-image}}

Mango稱落車後喊到唔敢返屋企，怕家人擔心，因此只找了一位好姊妹哭訴，「之後返公司繼續開工，點知『男主角』當無事發生，我嗰刻真係好想殺咗佢！」同時指翌日同劇有個男演員見佢眼腫想喊，就上前慰問佢，Mango向對方道出前一日被非禮一事，豈料對方說：「對唔住，其實我唔係第一次聽呢件事，我唔應該畀佢送你返屋企。」Mango後來先知係呢位「好心人」向記者爆料佢被非禮一事。

之後經理人公司為她舉行記者會，當時她面對記者的尖銳提問，覺得他們偏幫「男主角」，「『點解唔即刻報警？』我驚呀！後來我又覺得點解唔報警，我咪去囉……好似係藍田差館。當時有個madam幫我錄口供，話嗰個人喺佢哋差館有6次非禮人嘅記錄，真係咁，我發誓冇講大話！」

（點擊放大睇圖片）

在2004年，Mango參演亞視劇集《我和殭屍有個約會III之永恆國度》時稱遭同劇對手非禮，指控對方於駕車送她回家途中，強行拖手及強吻，45分鐘後她才能脫身。