【聲明】港生活網站並無進行電話推廣活動

尾場流下男兒淚 MIRROR:下次喺更大地方見

發佈時間: 2021/05/13

一連六場《MIRROR "ONE & ALL" LIVE 2021》演唱會前晚舉行尾場,MIRROR 12子不捨舞台,眾人在飛船上獻唱時更忍不住爆喊,場面感人。隊長Lokman(楊樂文)承諾一定會在紅館開騷,不過經理人花姐(黃慧君)澄清仍未入紙申請紅館檔期。

MIRROR尾場的演出編排大致一樣,不過成員柳應廷(Jer)獻上尾場限定環節,特別加唱單飛出道作《水刑物語》,令全場high爆。當12子登上「飛船」獻唱時,因太感動而相繼灑淚,尤其Jer、李駿傑(Jeremy)、盧瀚霆(Anson Lo)及邱傲然(Tiger)喊得最厲害;眾人唱至《幸福之歌》時幾乎喊到唱不下去,彼此互相搭膊安慰;王智德(Alton)表演棟篤笑時亦忍不住哽咽。

到encore環節,成員逐一發表感言,呂爵安(Edan)感謝公司安排拍攝《調教你MIRROR》,令眾人感情更穩固:「經歷呢次演唱會,我可以好肯定我哋仲有好多個三年。」人氣王姜濤則大叫:「香港加油!香港樂壇加油!」隊長Lokman哽咽說︰「呢一刻終於明白到『一加一係大過二』。」12子唱完《One and All》後,落台時向鏡粉大叫:「下次喺更大嘅地方見!」

Edan嗌森美做外父

MIRROR騷後笑言,現時只想吃盡所有不健康的食物,尤其幾位騷肌成員,Lokman更被爆每日只吃青瓜和西芹,就如餵羊般。Anson Kong(江𤒹生)指成員中只得Edan無喊相當「冷血」,AK又說:「飛船環節係最感動,但耳機傳嚟上帝(花姐)嘅聲音,話尾場係錄影場要專心唱。」姜濤重提在母親節當晚落淚,他解釋因姜爸行動不便都捧場支持,令他相當感動。他們下次開騷以紅館為目標,Lokman表示︰「紅館一定會開,但唔知幾時,希望能呈現一個更好、更完美嘅演唱會畀大家。」

花姐前晚澄清目前未入紙申請紅館跨年檔期:「我唔貪心,我想大家睇到新同有質素嘅嘢先擺上紅館,無話唔做,但要喺適當時候。」她又承認計劃讓姜濤拍攝電影「處男作」,但詳情有待公布。另外,森美大爆其15歲女兒喜歡Edan,又叫對方做「女婿安」,騷後Edan賣口乖留言向森美說:「多謝外父!」不過森美昨日開咪時,自爆因此事被怕醜的女兒責罵。

採訪︰Pauline

攝影︰林良明

美術:梁政敏

尾場流下男兒淚 MIRROR:下次喺更大地方見

Edan及姜濤在飛船上狂電鏡粉。

尾場流下男兒淚 MIRROR:下次喺更大地方見

姜濤有望今年進軍影圈。

尾場流下男兒淚 MIRROR:下次喺更大地方見

森美因15歲女兒喜歡Edan,所以特別舉Edan應援牌。(IG圖片)