被網民狂寸「好大官威」 吳若希︰想睇我鬧交就課金

吳若希（Jinny）日前因不滿某農莊擅自將她的照片上載到FB，要求農莊刪相，但此舉被網民批評她「好大官威」。昨日Jinny到新城電台宣傳新歌《只想你記得》，她解釋當日是在私人時間帶女兒到農莊遊玩，同行還有其他家人︰「我諗好多人都唔知道相片嘅用法，當時農莊有個攝影服務，影完之後我無買，但佢哋就放咗我其中一張相上網。（被利用宣傳？）令我唔舒服囉，始終商業社會，我有經理人公司，有啲嘢需要當晚去處理，佢哋刪咗相就唔再講。」

對於被揶揄因相片未P圖而不滿？Jinny笑說︰「我成日都唔化粧出街㗎啦！（話你好大官威？）網民唔鍾意你就唔鍾意你，我無嘢可以講。」Jinny笑指正研究怎樣將負面新聞變成賺錢工具︰「我發現好多人好鍾意睇我同網民爭論，或者同老公鬧交，我諗緊放上收費平台，大家想睇我鬧交就課金啦！」

採訪、攝影︰倪小珊