《愛回家》許家傑有考慮婚事望保持低調 爆大小姐曾想拒領女配角獎？

在《愛回家之開心速遞》中飾演宋瑞輝（送水輝）一角的許家傑，近日接受無綫娛樂新聞台主播潘盈慧「星光路上」的訪問，大談自己入行經過。家傑稱入行前做審計工作太乏味，一心打算打工旅遊或者流浪，不過經朋友建議下決定參選《香港先生》。入行多年後，獲得機會演出「送水輝」一角，令他成功入屋，人氣急升。

愛回家│大小姐玩《鐵達尼號》全裸上陣？ 送水輝稱零尷尬搞笑爆現場真跡【下一頁】

{{hket:inline-image name="JACK2.jpg"}}{{/hket:inline-image}}

許家傑表示：「其實送水輝似番我真人，雖然我本身個樣生得比較奸同埋惡少少，不過諗嘢比較直率。送水輝一開始係比較走精面、走捷徑，本身想呃呂慧儀、馬貫東出嚟，後來劇本再寫我慢慢變得誠實；呢個角色係好完整，好感動到我。」劇中跟羅樂林、歐瑞偉及林淑敏等好好的前輩合作，幾位的帶動，令他在拍攝上急速成長，家傑直言：「特別係林淑敏，佢喺處境劇方面經驗多我好多，喺佢身上體會到乜嘢係專業。記得有日開工劇情講佢飲醉，要佢騎膊馬，我問佢介唔介意，佢一口就話唔介意。我同佢真係一拍即合，拍攝非常之順利，大家互相信任。」

兩人合作無間，成為《愛回家》大受歡迎的熒幕情侶，連續兩年入圍《萬千星輝頒獎典禮》中「最受歡迎電視拍檔獎」。家傑見證林淑敏奪得「最佳女配角」獎，由衷替她高興，他大爆說：「第一年呼聲好高但得唔到獎，慣例係唔會同一個角色提名兩次，點解第二年又有得提名？終於得獎，但其實佢好唔想攞！（點解？）有另一個慣例，一個人唔會拎兩個獎，因為同一年我同佢提名『最受歡迎電視拍檔』，佢想拎呢個獎多啲！」他形容大家有一種革命的情感，也像家人一樣，好想對方一齊進步和成功。

（點擊圖片放大）

《愛回家》送水輝被封放電王侷住轉Look 許家傑扮犀利哥Chok變金城武？【下一頁】

對於許家傑、林淑敏不時有緋聞傳出，家傑表示只是得啖笑，多謝觀眾「入晒戲」，「我哋冇感情就假嘅，但感情係親情。」至於真實的感情生活，問他有否想過成家立室？「坦白講，呢樣嘢我都有諗嘅。但都係事業行先啦！之前做過兩次生意都失敗……其實我份人好難分心，只可專心一樣嘢，所以先專注工作；感情事我會諗，而且一向保持低調。」笑言幻想將來自己是個惡爸爸，有少少控制狂性格，「劇入面有個仔，現實生活中又有個姪仔，雖然好好玩，但湊小朋友需要好大心力，我覺得現階段自己好難處理，所以真係未去諗生小朋友嘅問題！」

（點擊圖片放大）

責任編輯：楊安莉