【聲明】港生活網站並無進行電話推廣活動

被森美睇中 Edan@MIRROR樂做「女婿安」

發佈時間: 2021/05/14

人氣男子組合MIRROR剛完成六場演唱會,未及休息又再獲安排出席活動,除了人氣王姜濤多粉絲外,成員呂爵安(Edan)亦大受歡迎,先有阮小儀自封正印,再獲森美的15歲女兒垂青,Edan對於被封「女婿安」亦受寵若驚。

男團MIRROR及ERROR昨日出席Now TV足球活動,擔任歐洲國家盃宣傳大使的MIRROR,個唱完騷後不夠48小時便開工出席活動,隊長楊樂文(Lokman)因拍戲缺席,副隊長江生(Anson Kong)表示大家在個唱慶功宴盡情狂食。

謙稱演藝界小薯

日前森美大爆其15歲的女兒喜歡成員呂爵安(Edan),森美更直呼Edan做「女婿安」,Edan坦言受寵若驚:「好開心多咗個新花名,多謝佢個女喜愛,但大個啲先再講啦,哈哈。」港大BBA畢業的Edan,獲母校使用他的照片招生,Edan說︰「嗰張相其實喺大學嗰陣影,只係網友最近攞番出嚟,我唔介意,仲好開心!」愈來愈受歡迎的Edan,亦大受廣告商垂青,最近他便出任代言人,更化身電器店靚仔職員。

另外,提到新民黨主席葉劉淑儀日前在立法會大會上,倡議MIRROR及ERROR到內地參加綜藝節目,推廣香港文化,AK謙虛說:「MIRROR成軍兩年幾,啱啱成為本土樂壇嘅一分子,目前最緊要做好本份。」王智德(Alton)亦指組合仍有很多不足之處,要努力學習。進軍內地市場?AK說:「暫時想以本地為主,但音樂無分國界同語言,想先進修自己,之後衝出香港畀大家欣賞。」提到有專家提議政府借MIRROR人氣推廣接種疫苗,AK笑說:「我哋人氣唔係好高,搵我哋似乎唔係咁恰當,應該搵發哥周潤發,我哋只係演藝界嘅小薯。」Alton乘機大爆有一半成員欠缺衛生意識,十分搞笑。

採訪︰Pauline

美術:梁政敏

被森美睇中 Edan@MIRROR樂做「女婿安」

暖男哥哥Edan十分愛錫胞妹「小如豬」,兩兄妹相當似樣。(IG圖片)

被森美睇中 Edan@MIRROR樂做「女婿安」

森美日前化身「爵屎」(Edan粉絲)睇騷。(資料圖片)