保錡＠ERROR「解凍」復工

搞笑男團ERROR昨日出席活動，他們將為下月開鑼的歐國盃擔任客席足球評述員，成員吳保錡正式「解凍」講波，他即說：「到時我唔會爆粗，戒咗啦！」肥仔（梁業）代為繙譯說︰「保錡嘅意思係戒咗喺鏡頭前爆粗，除咗拍ERROR節目。」提到193（郭嘉駿）在《ERROR自肥企画》中被「死亡行星」擊中重要部位，193坦言尚當時痛到幾乎休克，重要部位更又紅又腫：「由金菇變咗猴頭菇！」而阿Dee（何啟華）在節目中贏得一噸啤酒，他笑稱已將啤酒派街坊：「我只係飲咗兩支！」

對於網友熱捧ERROR做東京奧運主持，193有興趣為籃球賽事任旁述，保錡搞笑說只想評述快收工的項目：「講短跑唔錯呀，講十幾秒就收工，呃騷錢一流呀！」