林奕匡心急生B︰控制唔到

林奕匡（Phil）前晚在銅鑼灣舉行《廣東歌101音樂會》，他獻唱五首歌，現場招待50位樂迷，戴上耳機欣賞Phil的歌聲。問Phil會否趁疫情漸漸緩和而開騷？他開心說︰「公司都計劃開演唱會，預計今年成事，不過未係紅館，希望將來可以！」他自言對上一次開騷已是前年，笑言不少fans已經長大了。

另外，提到好友陳柏宇的太太符曉薇一年內兩度流產，Phil說︰「都係大家啱啱講我先知，我遲啲傳message畀佢，佢哋仲好後生，應該OK嘅。」Phil結婚多年，坦言與太太李靄璣有生育計劃︰「有好消息會通知大家！（公布有喜抑或公布開騷先？）應該開騷先，哈哈！其實我哋各自事業上都有好多嘢未完成，如果有小朋友，注意力一定放喺小朋友身上。其實事業同生B都心急，但控制唔到。」

採訪︰Pauline

攝影︰林良明