【聲明】港生活網站並無進行電話推廣活動

林奕匡心急生B︰控制唔到

發佈時間: 2021/05/14

林奕匡(Phil)前晚在銅鑼灣舉行《廣東歌101音樂會》,他獻唱五首歌,現場招待50位樂迷,戴上耳機欣賞Phil的歌聲。問Phil會否趁疫情漸漸緩和而開騷?他開心說︰「公司都計劃開演唱會,預計今年成事,不過未係紅館,希望將來可以!」他自言對上一次開騷已是前年,笑言不少fans已經長大了。

另外,提到好友陳柏宇的太太符曉薇一年內兩度流產,Phil說︰「都係大家啱啱講我先知,我遲啲傳message畀佢,佢哋仲好後生,應該OK嘅。」Phil結婚多年,坦言與太太李靄璣有生育計劃︰「有好消息會通知大家!(公布有喜抑或公布開騷先?)應該開騷先,哈哈!其實我哋各自事業上都有好多嘢未完成,如果有小朋友,注意力一定放喺小朋友身上。其實事業同生B都心急,但控制唔到。」

採訪︰Pauline

攝影︰林良明

林奕匡心急生B︰控制唔到

林奕匡承認與太太李靄璣有造人計劃。(資料圖片)