《好聲好戲》獲讚配音叻過演戲 黃翠如愧疚︰之後表現唔好

黃翠如在前晚播出的無綫真人騷《好聲好戲》聲演古裝版《皆大歡喜》的「紗紗郡主」苑瓊丹帶來驚喜，客席評判李家鼎大讚她配音好過做戲，翠如談及過往辛酸時亦感動落淚。昨午翠如接受《晴報》訪問時稱︰「一路都盡力，都要多謝鼎爺給予信心！」

前晚播出的《好聲好戲》第二組比賽，入行多年的翠如在自選聲演環節中，以卡通化方式演繹紗紗郡主，表現令人眼前一亮，結果現場七位常駐及客席評判全數按綠燈，認真犀利。李家鼎戲言︰「佢（翠如）唔好做演員，做配音好過，做演員麻麻哋！」笑爆全場。翠如其後感觸道︰「我覺得自己無苑瓊丹嘅演戲特質，好想配佢嘅角色學嘢！」她苦笑稱︰「自己演戲以嚟把聲成日被人抨擊，不如我演個啞嘅角色算！」她更難忍淚水，看來非常感觸。昨午她受訪時，坦言今次參賽沒太多時間準備︰「我嗰組用兩日就錄完，拍攝前準備時間唔夠兩星期！」

自認技巧不足

翠如透露早前欣賞古裝版《皆大歡喜》重播，愛上紗紗邵主一角︰「其實我覺得自己配得唔好，本身把聲薄，無紗紗邵主嘅喜劇感，一路都盡力，我之後都表現唔好！（介意鼎爺評語？）唔介意，我好榮幸，知道自己技巧未得，佢咁講都係畀啲信心我！」不過，昨晚翠如為足球賽事旁述，表現卻慘不忍睹，未知她最終能否殺入決賽。

另外，同組對手謝嘉怡（Lisa）及鄧智堅前晚表現明顯遜色，「鬼妹仔」Lisa靠英文拼音死記對白，她演繹《公主嫁到》「昭陽公主」佘詩曼的極快對白場口，一輪嘴讀對白卻咬字不清，引爆笑彈。李家鼎、汪明荃笑言不知如何評分，最終現場有三位評判給予綠燈。李家鼎笑說︰「都唔知點畀分，真係無佢（Lisa）符，佢又無甩。不過佢廣東話真係進步咗好多，選港姐嗰陣真係要搵繙譯！」主持阮兆祥亦公開Lisa的手寫拼音稿，讓大家感受她的努力。而鄧智堅聲演《大時代》中被打壞腦的方進新，他雖然七情上面，卻未獲一班專業評判歡心，更指他用錯歪嘴的方法模仿劉松仁。

撰文︰Steven

美術︰梁政敏