星格Boss｜翟威廉疫情下開酒舖生意唔差 無懼負面新聞 踏實工作最實際

新冠肺炎持續肆虐本地，市民消費模式大變，令不少打開門做生意的商人叫苦連天，營業額分分鐘難以支付每月昂貴租金及員工薪酬，坊間一度湧現「執笠潮」。現年36歲無綫藝人翟威廉（William）無懼「疫」市，去年6月父親節時投資50萬，跟胞兄翟威信於佐敦合資開酒舖，地下賣日本清酒，樓上開設工作室直播他的網上節目《Happy Live》。

{{hket:inline-image name="image2.jpeg"}}{{/hket:inline-image}}

{{hket:inline-image name="chakwilliam14934.jpg"}}{{/hket:inline-image}}

《好日子》翟威廉情陷三角 港男冠軍精通樂器同5語言【下一頁】

酒舖至今營業將近一年，期間第四波疫情爆發，附近街道設置臨時封鎖線，設有街站為巿民檢驗，令其門市生意大受打擊。政府近日推出「疫苗氣泡」新措施，並計劃今年內派發電子消費券，望能救市及刺激市民消費意慾。翟威廉說：「酒舖無地方畀客人飲酒，因為要攞牌，所以『疫苗氣泡』對我無乜嘢幫助；派錢就要睇吓點派法，若果係電子消費，到時搞嗰啲電子收費唔太難，希望真係刺激到市道，帶旺番個氣氛，令大家可以過到呢個難關。（公司營業額如何？）係試過零街客，但我哋唔係只做門市零售，所以每月營業額試過10幾、20萬，亦試過好好有30幾萬，可以話差極有個譜。」

藝人做生意是否會有著數？翟威廉笑說：「藝人身份始終會有少少著數，但真係要擺心機去做，Keep住努力去捱，捱得到就會有收成期。始終拍劇時會好忙，又要休息瞓覺、睇劇本，之後又要睇舖入貨，其實都幾辛苦。（如何分配時間？）十成時間嘅話，分三成做直播、三成打理酒舖、四成拍劇。（生意上試過被人呃？）又無，因為大家都係畀個心出嚟做。其實當時我喺旺角做直播，好低成本，見有少少錢賺到，於是想升級做大啲；咁啱傾到有朋友喺佐敦有呢個大場，又見到有地舖相連，諗諗不如搞埋地面舖頭做門市。本身無諗住繼承屋企生意，加上又想《Happy Live》再搞好啲，咁就硬住頭皮去做，希望呢度穩定啲，日後有機會先再升級上去。（即是想過開分店？）要努力一下先，呢度運作模式行順啲先算，公司要儲多啲客先。」

爆性伴侶多得人驚│翟威廉澄清冇同麥貝夷拍過拖 「單身7年 有伴侶係我嘅生活」【下一頁】

翟威廉表明日後真的有錢賺才會叫朋友入股，因為做生意有危機存在，並非一定賺錢；他認為大家做朋友要開開心心，入股後要齊心守住盤生意，事前所有運作、分工等一定要講得好清楚。提到清酒貨源問題，他透露原定代理清酒「富二代」之後，計劃再去日本發掘其他新貨，可惜疫情爆發影響行程，現在唯有等待通關後再作打算。

（↓點擊放大睇圖片↓）

此外，早前麥貝夷爆前男友出軌事件，翟威廉成為頭號嫌疑人物，他坦言未有影響其工作，「當係得啖笑，反而報道出街之後，酒舖生意出奇地好咗，不過算啦，現在最緊要是身體健康，賺多賺少都唔係乜嘢問題。」

撰文：梁榮達