謝霆鋒回港即有新歡上場做阿四 克服過敏症親自幫愛犬洗Pat Pat

40歲的謝霆鋒之前從北京返港，頻頻見他帶Mustard出鏡。其新歡就是一隻萌爆的Goldendoodle（黃金貴賓犬），自從上個月霆鋒在社交平台曝光Mustard後，網民即被牠的可愛迷倒；當霆鋒大廚上身一顯身手時，Mustard就伏在中廚房的中島上睇住下廚，一副為食樣出晒嚟！

{{hket:inline-image name="18.jpg"}}{{/hket:inline-image}}

謝霆鋒的新歡叫做Mustard。（圖片：鋒味FB）

{{hket:inline-image name="33.jpg"}}{{/hket:inline-image}}

謝霆鋒今次返港發生了一段「人狗情緣」。（圖片：鋒味FB）

《賭城風雲》兩師徒｜謝霆鋒孖周潤發曬黑超Look合照 網民勁羨慕 質疑背景電腦P圖 【下一頁】

昨日霆鋒上載新片，分享照顧Mustard的日常，只見「狗奴」霆鋒被牠一招熱情撲身，整個人壓倒在地上！之後霆鋒捉了Mustard去洗白白，Mustard起初有少少反抗想走，霆鋒即時開動暖男mode為牠刷背，連屁股都落手照刷，再用風筒細心將毛吹乾。

據知Mustard其實是霆鋒公司的拍擋飼養的愛犬，霆鋒與Mustard一見鍾情，每次返到工作室Mustard都會黐到佢實，難怪霆鋒都被其熱情融化！可是霆鋒只是短暫留港，現在人在北京，這段「人狗情緣」何時才能再續呢？

（點擊圖片放大）

其實霆鋒一向喜歡小動物，對毛毛過敏的他唯有養冇毛寵物，當年家中最高峰就養了30多隻陸龜、5隻蜥蝪。霆鋒最愛的亞達伯拉象龜「囡囡」，仲帶過上舞台陪他一起演出，及後有次將「囡囡」借給朋友參加展覽會而被人偷去，當時霆鋒懸紅10萬希望可以尋回愛龜，可惜未能成功，極之傷心。

近年霆鋒稱已克服過敏症，先後養了兩隻貓，黑色貓咪叫Miso，白色的一隻叫Dashi；不時都會在霆鋒的社交平台見到這「一黑一白」的生常照，而貓女Dashi較黐身，愛在霆鋒兩腿間瞓覺，又會爬上他的肩膊上，好識冧人。

（點擊圖片放大）

撰文：衛紫敏

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

《姊妹淘》包包之戰︳傅嘉莉豪曬46萬Hermès特別版 億萬富千金張寶兒珍藏唔夠撼 【下一頁】