常霖法師出家11年│葉青霖辭親剃度被細女鬧自私 與前妻廖安麗：現時係師徒關係

攝影大師葉青霖（出家後法號為常霖法師）將於5月19日生日，適逢是佛誕的日子，車淑梅特別邀請他為電台節目《舊日的足跡》擔任嘉賓，分享他出家11年來的感受。葉青霖11年前在台灣剃度出家，與妻子及家人舉行「辭親」儀式，法號釋常霖。常霖法師稱訪問出街的日子5月16日正是他的出家紀念日，視之為生日，現時只有11歲。車淑梅直言當初他選擇突然出家，令大家都非常好奇，當時她邀請常霖法師做訪問一度遭拒，常霖法師解釋：「當時出家喺娛樂圈係大新聞，甚至有幾本雜誌狗仔隊追我去到台灣，師傅勸我初初出家唔好咁高調，所以我同所有傳媒朋友講師傅唔想我接受任何訪問。」

【與廖安麗24年婚姻】葉青霖出家10年開清談節目 憶反叛幼女畢業致辭引用其教誨【下一頁】

{{hket:inline-image name="183192609_3771021289691156_6028621113187382854_n.jpg"}}{{/hket:inline-image}}

葉青霖1968年在中學同學劉致新影響之下，愛上攝影，由於爸爸嗜賭令家庭經濟非常窮困，幸好他憑攝影能夠賺到錢，「攝影最重要係睇唔到嘅部分，感覺係用心感受，影人像係會愛上對象，影完分手，否則我婚姻好大件事。」葉青霖因好友賈思樂的關係而認識廖安麗（Annie），他說：「佢係好難得嘅女仔，爸爸教書，雖然係娛樂圈人，不過佢好純、好乖，認識佢時我對佢冇乜興趣，因為佢太乖，不過大家一齊玩，慢慢認識到對方好處。當年我好大煙癮，一日食兩包煙，佢曾經話好唔鍾意人食煙，我就為咗佢成功戒煙。」兩人拍拖5年後結婚，婚後育有兩名女兒，曾賣出部分的婚紗攝影公司生意，舉家移民澳洲享受世界。直至1994年，葉青霖的爸爸患末期肝癌，在最後一個月時間，葉青霖在病床邊為爸爸讀佛學書籍，令他吸收很多佛學的知識，隨後他亦開始茹素和認真接觸宗教。

常霖法師表示當時擁有很多，但煩惱亦很多，為儲錶周圍搵限量版，搵唔到會唔開心，靚車開出去污糟咗又唔開心，他形容「畀你上天堂都未必開心」。隨後，常霖法師試過短期出家，一剃頭已經失聲狂哭，他形容自己早應該是出家之人，感覺有如30幾歲的孤兒發現原來有家一樣。「Annie以為我咩都玩玩下，起初佢同兩個女都好開心，睇我剃頭。因為仔細老婆嫩，後來我同Annie商量我想出家，Annie都話估到會有呢一日。」

（↓點擊圖片放大↓） 

廖安麗結婚24年葉青霖突然出家 含淚支持前夫離俗合辦公益活動【下一頁】

當年常霖法師選擇到台灣出家，被形容拋妻棄子，不近人情，他表示：「生命好多嘢係要選擇，選擇中有機會需要妥協，有啲事係想去做，有啲事係應該做。如果件事只係想要做，而連累其他人，就唔應該做。我絕對有喺Annie立場考慮，我將自己財富畀晒佢，為佢鋪路，賣咗生意多一筆錢交畀佢，又叫攝影徒弟有咩需要要幫佢手。因為Annie日常生活係比較依賴我。後來，我飛去澳洲同兩個女講，大女完全覺得冇問題，佢覺得我有自己目標去追求就好。細女冇講原來佢當時好唔開心，後來我出家兩年後，飛去同細女傾偈，佢鬧我自私，為滿足自己唔理其他人。」

常霖法師表示自己出家不是自私，而是承擔更多責任，由優越的生活變成嚴苛的生活，出家時住在熱如焗爐的鐵皮屋，席地而睡，周圍都是田蛙和蚊，承受很多，「我係搵一個方法唔再有煩惱，再將自己方法同大家分享，後來我有向女兒道歉。」問到現時跟Annie的關係，常霖法師說：「我同Annie而家係師徒關係，佢有任何問題都會問我，反而以前未必問我。我生命入面欠好多人，佢係其中一個。」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉