聲夢傳奇｜孫漢霖被淘汰令李克勤大跌眼鏡 網友洗版式留言鬧導師亂foul人

《聲夢傳奇》播到第6集，紅藍兩隊大戰的5個回合已結束，最後由紅隊以3比2勝出，藍隊要淘汰一名隊員。本來藍隊的文凱婷（Aeren）及林君蓮（Kaitlyn）已打定輸數以為自己會被foul，不過導師李幸倪（Gin Lee）、衛蘭及AGA（江海迦）商議後決定淘汰「火雞」孫漢霖（Steven），令主理人李克勤同唔少觀眾大跌眼鏡！

{{hket:inline-image name="005.png"}}{{/hket:inline-image}}

Steven知道自己被淘汰後強忍眼淚，表示不想在舞台上流下男兒淚。「如果我冇參加呢個比賽，我只係好普通好普通嘅維修員，好高興認識到大家，好慶幸入咗藍隊，我唔會放棄，會再試一試仲有無其他機會繼續唱歌，好多謝鍾意聽我唱歌嘅人。我相信呢個唔係終結，只係一個過程。」事後他亦表示想過自己會被foul，「覺得自己喺呢個比賽表現唔係好突出。」

{{hket:inline-image name="8.png"}}{{/hket:inline-image}}

而主理人李克勤事後亦表示對結果表示愕然：「比賽係比賽，但咁樣嘅結果⋯⋯佢哋揀咗Steven係估唔到。同埋以當晚佢嘅表現，佢係值得留低，如果我係導師有決定權，我唔會淘汰佢。」而3位導師就指雖然當晚他為隊伍贏了一局，但之前Steven表現曾經失準，所以才決定淘汰他，不過亦希望可以再度聽到他唱歌。

（↓點擊圖片放大↓）

現年22歲的Steven在參賽前曾任職維修員4年，中學時因看了節目《中國好聲音》其中一位參賽者表演而開始唱歌之路。而去年他為節目《聲夢傳奇》辭職為追夢 ，「我選擇跳出咗自己的舒適圈，辭去我做了4年的工作，鼓起勇氣追逐我的夢想。」而他在頭幾集節目表現亦不俗，除了曾被不少導師稱讚外，亦有份幫自己隊伍攞分。

{{hket:inline-image name="134284784_977473619726927_3430086785280429067_n.jpg"}}{{/hket:inline-image}}

不少網友不滿今次賽果，洗版留言話要淘汰的不應該是Steven，「從來都唔會為呢種節目foul人而喊，今次真係睇到喊：好慘，唔公平，唔合理。佢有份攞分，表現絕對唔係最差嘅一個，唱歌又好聽。」、「要走都唔係佢走」。有網友更指今次導師foul錯人，「強烈要求復活賽！點解係steven？佢把聲真係好好聽... 藍隊導師foul佢嘅理由冇咩說服力，Gin Lee點解只憑上次《Full Moon Party》判斷，佢哋有冇參考過《太難開始》？」、「啲導師都唔識foul人嘅！」

（↓點擊圖片放大↓）

而在《聲夢傳奇》播完後，李克勤與Steven開live，後者表示其實在前者拆信封宣布結果時沒有想過被淘汰的是自己，「因為我都贏了一局，（咁你覺得係邊個呢？）點都唔會係我、林智樂同Gigi（炎明熹），因為果兩分係我哋贏番嚟。」李克勤表示自己以主理人身份睇晒兩隊表現，覺得紅隊是比藍隊較團結。問到Steven覺得今次點解會輸，他認為是因為這邊比較遲決定唱咩歌，所以少些時間練習。

李克勤又問他全體人合唱的《Lydia》係邊個決定，Steven話係Aga為他們揀的。

{{hket:inline-image name="2.jpeg"}}{{/hket:inline-image}}

李克勤又問到Steven之後打算，本來任職商場維修員的他決定繼續追夢，暫時不會做回「老本行」，現階段都是唱cover為主，有機會亦會參加其他歌唱比賽。

有網友在Live下留言希望舉行復活賽，Steven即刻答：「好呀！因為我覺得好可惜未唱到《浮誇》。」而李克勤叫他即刻現場演唱《浮誇》，更指他應該一早唱呢首。而在Live途中，導師泳兒、周柏豪、Gin Lee亦留言希望能舉辦復活戰；有人更叫李克勤叫英皇簽佢咁話！

（↓點擊圖片放大↓）