《日日媽媽聲》回帶被奶奶阻行房 薛家燕︰佢隨時入嚟Say Hello

薛家燕早前為無綫節目《日日媽媽聲》任嘉賓，家燕姐披露當年誕下大女石祐珊後，對奶奶重男輕女的思想深感無奈，更自爆當年與前夫在睡房內打算有親密行為，奶奶竟會隨時破門而入，令她不勝其煩︰「我鎖房門有自己私癮，但佢唔鍾意！」認真慘情。

前晚播出的《日日媽媽聲》，無綫邀得家燕姐、盧宛茵、陳敏之三位星級媽媽及陳展鵬這位新手爸爸任嘉賓。家燕姐於84年與經營飲食業的商人石保慶結婚，先後誕下三子女，可惜好景不常，她與丈夫於95年離婚，並以單親媽媽身份養大子女，毅力令人佩服。家燕姐的新抱Zoe現時已懷孕待產，恨抱孫的她快將榮升祖母。節目中，家燕姐分享早年處理婆媳關係的心得，自爆奶奶重男輕女，剛結婚後的追仔壓力對她影響深遠。家燕姐憶述︰「我要多謝奶奶畀我唔同感受，令我學識如何與新抱相處，當時生第一胎，奶奶好緊張問BB係男定女，我話女，佢就話『算啦，再生』！」

為生B跟隨老公出差

面對當時奶奶的泠淡反應，家燕姐坦言為對方未有恭喜自己生下大女而感到非常不開心，同時亦令兩年後生第二胎有更大壓力。她指當時計算好自己的排卵期後，特地跟隨老公到杭州出差，在外努力「造人」。家燕姐回想道︰「奶奶知道生咗男仔（石耀庭）後，即時恭喜兼話過嚟探我，所以我唔會畀壓力新抱，生男生女都開心！」

另一方面，家燕姐提及最驚嚇是當年與奶奶同住，對方卻不容許她鎖房門︰「奶奶話房門唔使成日鎖，我話有啲事（親密行為）要做所以鎖，但佢都唔鍾意，可以隨時開門入嚟say hello！」

新抱胎教播《皆大歡喜》

提到現時婆媳相處之道，家燕姐大讚新抱懂事兼乖巧︰「我覺得係我同囝囝嘅福氣，現時生仔方法同我哋以前唔同，我見新抱久不久戴着一部機器，佢話係胎教機助BB腦部發展，我問有無畀胎兒聽《皆大歡喜》首歌？囝囝即時講有呀有呀，佢（BB）出嚟就識跳十字步！」此外，家燕姐透露特別安排寓所隔壁的單位給囝囝及新抱同住，方便自己煲湯給二人，家燕姐果然是絕世好奶奶。

撰文︰Steven

美術︰梁政敏