勁歌金曲│單立文公開狠批菊梓喬Rock唔起 「每部劇集都由你唱有少少膩」

無綫綜藝節目《勁歌金曲》自從改革之後，不少歌手上去派歌都難免會戰戰競競，點解？事關早前何雁詩被資深DJ陳海琪公開批評至體無完膚！昨晚的一集邀請有「星夢一姐」之稱的菊梓喬（Hana）獻唱新歌《秘密花園》，雖然近年她是《勁歌》常客，不過第一次面對有觀眾組成的「音樂選民」和音樂人組合的「導賞團」批評，Hana直言壓力非常之大。

勁歌金曲│資深DJ陳海琪狠評何雁詩等歌手 網民反應兩極 讚真心但有偏見【下一頁】

{{hket:inline-image name="181467268_484960252936352_322739474252914191_n.jpg"}}{{/hket:inline-image}}

Hana的新歌《秘密花園》是劇集《逆天奇案》的片尾曲，主持人介紹時稱歌曲帶少許搖滾之感。「音樂選民」中明顯有兩位是Hana的粉絲，被主持Eric Kwok踢爆一聽完頭兩句就即時按「Like」，Eric笑問：「呢個係你識得㗎嘛？」Hana立即否認。

「音樂導賞團」之一的DJ林柏希和音樂人周錫漢均表現出賞識之情，前者指Hana的聲音很有力量，希望她可以拋下緊張的心情再添Rock感，而吳業坤亦大讚感受到Hana的搖滾之魂。單立文（豹哥）卻持相反意見，而且語氣有點重，「坦白講真係唔Rock，係一隻普通嘅歌。你把聲係有辨識度，其實你可以作多方面嘗試，劇集歌曲可能就係你嘅致命傷，限制咗你。每齣劇集歌曲都由你唱，有少少膩。」他續說如果Hana要站穩陣腳，一定要立體去表達自己的信念、訊息，「我唔係話要唱得好，你投射到你感動嘅嘢畀我，我聽到喊嘅話以後會關注你。」

（點擊圖片放大）

勁歌金曲│吳若希侷住同宿敵菊梓喬合唱 重現頒獎禮浮誇笑容遮尷尬【下一頁】

幾位主持人對於豹哥的狠批都感到有點措手不及，未知如何應對，但豹哥主動作出補充，他說：「我覺得你哋對搖滾有少少誤解，我由70年代開始玩Rock玩到而家，唔係隊Band玩得大聲啲，動作大啲就叫Rock。你要清楚Rock，態度好重要，你要有個態度，唔係一個包裝，所以你要自己留意，如果你要走呢條路，係一條不歸路，你睇吓我。」

{{hket:inline-image name="PAL5.jpg"}}{{/hket:inline-image}}

聽到單立文咁講，Hana笑笑口回應：「我一直好多謝劇集歌曲，覺得劇集歌係好好聽，我又覺得豹哥講得好啱；呢個係我想由劇集歌曲慢慢轉變嘅第一步，但係我唔想去到咁極端，我怕大家一下子接受唔到，而且太大嘅轉變，我都唔敢，我要多啲時間。」豹哥由無表情變成微笑，向Hana講句「加油」，以緩解現場僵局。

單立文是資深音樂人，生於藝術世家，小時候受父母影響接觸古典音樂和舞曲，大姊彈鋼琴和二姊跳芭蕾舞。後來他讀書時開始玩結他、當主音，周末到唱片店當DJ播歌，受英國音樂文化薰陶。1980年代先後組織樂隊「Chyna」和「藍戰士（Blue Jeans）」，同樣擔任低音結他手。

{{hket:inline-image name="60076559_436337493863954_4396004207995086569_n.jpg"}}{{/hket:inline-image}}

{{hket:inline-image name="101954527_172890420922665_5604193423054414765_n.jpg"}}{{/hket:inline-image}}

{{hket:inline-image name="61272418_161072674932856_8348945842386145764_n.jpg"}}{{/hket:inline-image}}

責任編輯：楊安莉