蔡嘉欣稱朋友送「茶杯貴婦」遭狙擊 被踢爆疑買狗做繁殖場「幫兇」

現年27歲嘅「是非港姐」蔡嘉欣（Kayan）2019年參加香港小姐競選，最後5強止步，隨即簽約成為無綫旗下藝人。她加入無綫後主持及拍劇的機會不斷，現在更是節目《姊妺淘》主持，同時經營自己嘅YouTube channel同時裝網店生意，豬籠入水。蔡嘉欣不時喺社交平台曬名車同名牌手袋，曾經上載拿着40萬現金去匯款嘅片段，早前又自爆ibanker男友送上5位數字支票作為她的生日禮物，故網民認為佢「拜金」又「炫富」；近日佢又再因為養狗惹來抨擊。

{{hket:inline-image name="5.JPG"}}{{/hket:inline-image}}

事緣自去年11月，蔡嘉欣開始飼養一隻卡其色茶杯貴婦犬（Teacup Poodle）「Mochi」，當時佢喺自己channel嘅影片中分享，指狗狗係朋友饋贈：「養佢都係緣分，因為有個朋友隻狗狗生咗BB，我就話好，我想養狗好耐。」蔡嘉欣又指Mochi上一手嘅「爸爸」已教識佢去廁所，所以好乖；雖然偶有失誤，但都好醒。近日蔡嘉欣又再為屋企添多個新成員「波子」，同樣都係茶杯貴婦犬，不過係一隻灰黑色嘅狗狗。

{{hket:inline-image name="179341685_100685972160094_7771588288528099870_n.jpg"}}{{/hket:inline-image}}

蔡嘉欣睇落非常有愛心，不過就有人踢爆原來佢兩隻狗狗疑似都是係透過網上寵物店購買。蔡嘉欣口中送狗嘅「朋友」，其實是一間網上寵物店，專門售賣Poodle；其專頁幾乎每星期都有新狗推出，每隻都經過悉心打扮。店主「奶爸」曾貼出與蔡嘉欣同Mochi嘅合照，留言：「Thanks for coming.」仲tag埋蔡嘉欣添！

（↓點擊放大睇圖片↓）

有網民嬲爆留言狙擊佢成為繁殖場「幫兇」：「買狗就買狗啦，扮晒嘢咩朋友隻狗生咗BB問你要唔要。一年都唔知幾多breeder（繁殖者），唔要啲生到殘生到病嘅Poodle，可以睇吓hkdr（救狗之家），最近先接收咗9隻breed（被繁殖）到殘晒嘅Poodle，俾人好似垃圾咁棄養。你走去買狗，即係支持breeder繼續當狗係生財工具。」、「買狗呀，領養定買㗎。唔使炫耀啦，如果係買嘅我就覺得好乞人憎囉！」、「茶杯狗嘅壽命好短，你唔領養嘅？」不過，蔡嘉欣就冇正面回覆有關留言。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】