家庭關係｜每日獨湊兩女跨區返學 港媽斥丈夫堅拒搬離新界村屋

每日要接送子女跨區上學並不容易。一名港媽訴說自己一家4口居於新界村屋，每早要獨力湊2名女兒跨區上學，並在街上呆等接放學。她曾多番向丈夫提議搬出市區，對方卻因每早搭的士出入而未覺不便，一直拒絕搬家，令她憤而決定3母女搬走「分居」。

一名女網民上周二（11日）在網上討論區「親子王國」以「抑壓到爆煲，情緒失控」為題發文，指自己是一名全職媽媽，一家人居住在八鄉偏遠的村屋，丈夫每天搭的士出九龍上班，她則要每天早上帶2名分別就讀小一和幼稚園K2的女兒跨區上學，沒有家人支援。

送兩女返學痛苦日程

她透露長女每朝8時上學，她6時15分就要叫兩女起床，7時15分前要上車，否則便會遲到，因從巴士站步行至長女的學校需時10分鐘，事主直言：

「每日逼巴士返學，巴士經常滿座/脫班，有車只有企位，都唔緊要，但成日喺車被人用唔友善嘅眼光望住，但係我哋3個真係冇掂到佢哋（意旨肢體碰撞）。」

事主續說，她送長女上學後，便要步行20分鐘送幼女到幼稚園，但由於只上2小時課，她只好留在街上等候，直至10時半接回幼女，尚有2小時多才到長女放學，該段時間她未能回家，只能在街上乾等，她形容：

「而家天氣熱更加唔敢買定啲餸，每日就不停喺條街度虛耗光陰，要阿女陪我喺街唔知做咩。」

缺乏親子時間 嫌搭的士昂貴

事主表示，自己會在長女放學前買好外賣，隨後一同乘車回家，回到家中已是下午2時，女兒吃午飯後開始做功課，她則做家務、準備晚飯和洗澡，「每晚搞到7點幾先開飯」，女兒飯過不久就要睡覺，令她嘆道：「每日啲家務都要喺親子時間度剝削」。

她同時指出學校沒有校車，保母車亦不會往來其居住鄉村接送，故她曾考慮搭的士，然而費用太貴，「一轉的士差不多80，到（大埔林村）許願樹已經跳到40幾」，形容「一來一回（花費金額）好恐怖」，終令她打消念頭。

為母則強｜為減輕丈夫負擔落地盤搬磚，3孩媽媽慘遭歧視：小孩很可憐，詳情即睇：【下一頁】

向丈夫提出搬出市區被拒

她為此多次向丈夫提議搬到市區居住，對方卻無動於衷，「有幾次更加話佢好享受住村屋，唔想搬」。她指丈夫每天花許多時間在交通上，跟女兒完全沒有親子時間，卻從未打算搬屋，不禁抱怨：

「每朝早叫佢（丈夫）叫啲小朋友起身，好似攞咗佢條命咁，日日喺度嗌『我就嚟遲到嘞』，跟住自己飛咗出門口。其實佢時間觀念真係好差，但係唔知點解要學人住村屋，仲要唔肯搬。」

欲與兩女搬到市區套房

事主近日忍無可忍，向丈夫表明如他不肯搬離，他就繼續留在村屋居住，她跟兩女則搬去市區套房，丈夫卻認為她是在「撩交嗌」，

「同佢（丈夫）呻，佢嘅態度係完全覺得個老婆咁樣付出係理所當然，又話我唔早啲瞓，其實我都好想早啲瞓，但係每晚完成啲家務已經係12點幾，第二朝5︰45要起身。」

她指若非來回學校如此辛苦，她也不希望「行到去租套房呢個地步」。她表示這段期間會搭的士出入，同時四出物色心儀套房，若無法搬走便考慮為女兒轉校，

「我見到細女每日攰到咁，返到嚟食飯都冇精神，大女好生性幫我拎好多重嘢又孭住書包，好心痛佢哋，每日少咗好多時間同佢哋玩。」

網民：丈夫太自私

不少網民看到帖文後，均斥責事主丈夫十分自私，批評他只會顧及自己的利益而忽略家人的需要：

↓ 點 擊 圖 片 放 大 ↓

但亦有網民認為，事主與丈夫分居是治標不治本的方法，而且租套房使費或跟每天搭的士、請工人相若，建議她跟丈夫好好商量：

↓ 點 擊 圖 片 放 大 ↓

為母則強｜2孩之母開工廠專請「全職媽媽」，彈性上班方便接放學不需打卡不加班，詳情即睇：【下一頁】

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

每朝索取《晴報》：精明生活．健康家庭．開心娛樂

撰文：蘇麗儀