欲派藝員採訪東京奧運 曾志偉︰睇邊個打咗疫苗

無綫昨日舉行《2020東京奧運會》記者會，電視廣播有限公司主席許濤、高層曾志偉及樂易玲等現身，亦有方力申、吳業坤等半百位藝人出席造勢。曾志偉表示無綫旗下五條頻道，將於奧運期間提供500小時直播節目及賽事精華，亦有意在奧運倒數15日前舉行「明星運動會」，邀請藝員、歌手及名人參加。志偉坦言有意派藝員到東京採訪奧運︰「仲諮詢緊，例如要睇有邊啲藝人打咗針（疫苗），有關方面可以畀幾多人去等等。因為依家好嚴謹，唔可以周圍走，去到又要隔離，時間又急，要睇下疫情變化，或者會唔會搞唔成，所以做又大件事，唔做又大件事。」

至於方力申則講明渴望到東京採訪︰「我17前同葉璇主持奧運成為經典，今年我期待有另一個經典。」他自爆為爭取飛往當地，不惜推掉六位數字賺錢機會︰「本來我下月要返內地隔離拍戲，依家推咗，我有信心東奧如期舉行。」

採訪︰Pauline