淘寶中伏｜淘牛油果食一半發現腐爛 港男嘆中伏：去超市買好過｜附揀成熟牛油果+保存方法

牛油果營養豐富且美味，不過有一名港男近日從淘寶網購牛油果，進食至一半時始發現果肉腐爛；而另一個表皮已發黑的牛油果，剪開後則發現尚未成熟。事主對其品質大感失望，無奈地說：「我已經揀最少差評嗰間！」有果欄店主曾接受《晴報》訪問指出，可憑牛油果的顏色、手感、果蒂3方面分辨成熟牛油果；由於牛油果易熟快壞，購買後亦要妥善保存。

該名網民日前在Facebook群組「淘寶開心share」分享中伏經歷，指一直習慣在本港超市選購牛油果，但現時因辦證件事宜而身處內地。由於想吃牛油果但在當地多個超市都搜尋不果，無奈之下只好嘗試在淘寶網購牛油果，「見之前咁多淘生果嘅人多數都話ok，所以我又去淘吓」，未料最後大失所望。

他表示，選擇商戶時已選擇「最少差評嗰間」，對方介紹指該批牛油果為外國入口且體形較大；但事主則指牛油果實物並未如預期般大，「話大粒但都係細細粒」。他表示曾剪開其中一個進食，本以為品質正常，但進食一半後竟發現果肉腐爛，「食到核同皮中間竟然係爛嘅」。其後他見另一個牛油果的果皮已變黑，便以為已經成熟可以進食，惟內裡卻尚未成熟，口感堅硬。事後他有感中伏，遂發帖勸籲：

「我自己感覺就係大陸種植啦，佢聲稱外國嘢……總之牛油果唔好淘，去超市買好過。」

（↓點擊圖片放大↓）

網民：絕不會淘食物

帖文引起大量網民留言，不少人認為網購食物要小心，因其來歷、質素及新鮮程度都難以有保證；另一方面，亦有人體諒事主因身在內地，迫不得已才會選擇網購水果。另有網民慨嘆品質好的牛油果向來難以揀選，「親身逐粒揀都未必揀到靚」，即使在超市購買亦未必買到靚牛油果：

（↓點擊圖片放大↓）

如何選購及保存牛油果？

進濤菓欄負責人GiGi接受《晴報》訪問時曾解釋，不少牛油果外表雖然並無異樣，但切開才發現果肉已經腐爛，是由於有部分水果店會將牛油果放置於雪櫃冷藏，經長期冷藏後牛油果已經凍壞。

由於牛油果易熟快壞，若要避免「中伏」，她建議市民可選購青綠色、尚未成熟的牛油果，再放置於室內等待自然成熟，確保不會購買到過熟的牛油果。如果不即時進食，可待成熟後便立即將牛油果放置於雪櫃，以延長保存期。

GiGi表示，若要分辨牛油果是否已經成熟可進食，可留意以下3個要點：

（↓點擊圖片放大↓）

她補充，雖然蘋果、香蕉等水果可催熟其他水果，但催熟只會令水果變色，其味道及口感均欠水準，故一般不會建議催熟水果，待水果自然成熟後進食為佳。

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】 

每朝索取《晴報》：精明生活．健康家庭．開心娛樂

撰文：黎穎芯