去年「生蛇」｜黎瑞恩發燒肚痛憂胰臟腫瘤翻發 「我諗時間都差唔多喇！」

48歲的黎瑞恩去年自爆「生蛇」（帶狀疱疹）生到上眼，折磨了她一個月，令她苦不堪言。而昨日她又在Facebook透露自己的情況，表示成日食完嘢都有「頂住頂住」的感覺，擔心患上幽門螺旋菌或腸生息肉；又分享她在40歲時做了一次全身檢查後，報告顯示一切正常，卻意外地發現胰臟生瘤，「最後再作詳細檢查後發現胰臟真係有兩個瘤。」

{{hket:inline-image name="182688584_319417139545148_4949434132004444934_n.jpg"}}{{/hket:inline-image}}

她指醫生告訴她通常到末期才看到腫瘤，幸好腫瘤暫時是良性。她又稱：「醫生話因為一個（瘤）喺頭，一個喺尾。喺頭嗰個黐住其他器官，所以每個器官都要切三分一。」不過她決定不接受手術，又問醫生可否食藥治療，醫生回答指沒有藥食，叫她：「咁你以後開心啲啦！每6個月check一次啦！」她指頭兩次都好乖，有去做檢查；但之後擔心照CT有輻射，因此就沒有多加理會這兩粒瘤。「照多幾次本來冇嘢都變有嘢啦！最後我選擇對呢兩粒嘢不聞不問！總之每日就當『過一日、賺一日』開心就得啦。」

直至近日，她又再因肚痛及發燒而入院，她說：「我諗時間都差唔多喇！」豈料在醫生幫她照肚後表示見唔到胰臟入面兩粒瘤，「只係腸胃炎導致腸抽筋。」兩個腫瘤神奇地消失了。她自言「開心到癲咗」，又不斷問自己點解，「原來唔好諗埋咁多無謂嘢及負面嘢，真係可以醫病㗎。所以我想同大家分享我嘅諗法，希望無論患咩病嘅朋友，大家唔好絕望，放鬆及樂觀，凡事都有可能！」

（↓點擊放大睇圖片↓）

在今次經歷後，她體會到「病」原來真係會鬱出嚟，「當一個人唔開心，負能量多到爆嘅，嗰啲就最容易病。我都係因為當時唔開心所以病咗，不過而家冇事喇！所以我哋諗嘢唔好太偏激。每樣事情都可以從多角度諗，唔好因為人哋嘅嘢而激嬲自己。多啲講好聽嘅說話（當然係要真心啦），仲有唔好樣樣都斤斤計較，咁樣就每日都開心啦！」

{{hket:inline-image name="150091005_1934742156682223_2427811872324109210_n.jpg"}}{{/hket:inline-image}}

好友馬浚偉留言：「沒錯，喜樂是良藥，善良是妙方！兩樣你都有，加油！」

{{hket:inline-image name="lai3.png"}}{{/hket:inline-image}}

【唔想掀罵戰】黎瑞恩生蛇上眼慘遭折磨一個月 不滿被詛咒 炮轟網民心腸歹毒 【下一頁】