好聲好戲｜視后蔡思貝神還原郭藹明攞滿分 「監製羅永賢話我氣質有啲似」

無綫配音比賽《好聲好戲》昨晚（17日）續由第二組參賽者作賽，張振朗、謝嘉怡、黃翠如及鄧智堅分別找來拍檔聲演劇集片段。張振朗與視后蔡思貝合演《天地豪情》張家輝、郭藹明一場戲，「神還原」的演出獲得「全綠燈」的滿分成績，令其餘參賽者甘拜下風！

{{hket:inline-image name="05181112.jpg"}}{{/hket:inline-image}}

{{hket:inline-image name="05181110.jpg"}}{{/hket:inline-image}}

蔡思貝逆市出手斥200萬買車位 投資有道2018年已買磚頭等升值【下一頁】

張振朗、蔡思貝全情投入演出，身為主席評判之一的張炳強表示：「蔡思貝絕對令我眼前一亮！首先佢嘅語氣係似，模仿力又強，所以呢個角色非佢莫屬。」阿姐（汪明荃）讚張振朗跟上一次聲演劉青雲時，有好大分別，「一聽佢把聲，咦？好似家輝喎！聲線要配合個角色，我成日講嗰個人物唔係嗰把聲，就覺得（配音者）揀錯咗角色。」

專業評判團方面，「花輪同學」梁偉德亦大讚他們演出令人眼前一亮，指兩把聲音很匹配；曾秀清甚至表示不看畫面，真的以為是張家輝和郭藹明的原聲！其他參賽者亦被蔡思貝的演出打動，黃翠如大讚效果不似配音，鄧智堅用「神還原」來形容，謝嘉怡看過該片段後，令她很想重溫《天地豪情》一次。

蔡思貝表示：「我好開心！因為我啱啱出道嘅時候，監製羅永賢講過，話我氣質有啲似郭藹明，估唔到今次模仿佢把聲都似，所以……好開心！」她昨晚在IG再講感受：「我哋（與張振朗）講過唔想咁快合作，想大家成長一下，希望將來再擦出新火花。不過，喺咁短時間之內我哋又碰頭，今次有新嘢玩，陌生、心跳、驚慄；練習、興奮、練習；不安、練習、刺激；練習、投入、滿足。謝謝邀請，好拍檔。聲、色、藝、品，加油。#好聲好戲 #零舍高興 #兩個配音薯仔」，張振朗同時留言感謝蔡思貝拔刀相助。

師父有請丨蔡思貝不拘小節何雁詩睇晒私處 好姊妹同愛一個男仔邊個跑出？【下一頁】

此外，鬼妹仔謝嘉怡就搵嚟同聲同氣的麥大力（Derek）合作，挑戰古裝劇《倚天屠龍記》的阿姐及鄭少秋，可是二人不時甩咀，錯漏百出。阿姐力撐自己的角色「趙明」是蒙古人，認為講「番話」也會接受，成為惟一一個給予綠燈分數的評判，令謝嘉怡獲得1綠6紅的成績，這回合不致於捧蛋。

謝嘉怡說落場比賽跟練習大有分別，「上次講過唔好練習太多，練習時亦唔好放咁多力量入去……嚟到比賽嘞，我好似放咗好多（力量）入去；其實今次係我同Derek第一次夾，我哋兩個啲廣東話都有問題，一齊演出唔係好好，但下次我哋會進步！」Derek直認在台上好大壓力，身體不由自主在抖震！

（↓點擊放大睇圖片↓）

黃翠如和Bob（林盛斌）的表現獲得3綠4紅的分數，鄧智堅、戴祖儀則有5綠2紅，兩組人成績明顯不及張振朗和蔡思貝。至於今晚（18日）播出的一集，將會公布第二組的出線者，看來張振朗勝算甚高。

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】