引狼入室?｜靚女外傭姐姐勤力做事有交帶 人妻親自挑選反後悔：驚老公出軌

不少家庭均會聘請外傭打理家居、照顧一家大細。早前有網民在討論區上分享，指其女友人親自聘請一名「後生靚女」的外傭，雖然對方辦事能力高、有交帶，惟友人卻擔心丈夫會抵受不住誘惑而與外傭出軌，甚至擔心外傭會「搞三搞四」。惟問及友人當初為何不聘請外貌普通的姐姐時，對方卻指當時因對方外貌「順眼」才選擇她，令網民大感無奈：「請咗佢返嚟，又船頭驚鬼船尾驚賊。」

有網民在「香港討論區」以「左揀右揀，揀咗個靚女姐姐，之後又怕老公出軌」為題發帖，指其女友人近日聘請一名外傭，雖然外傭姐姐做事有交帶又勤力，但友人卻將其亮麗的外表視為麻煩的根源，擔心自己老公會把持不住，與外傭姐姐出軌。樓主形容外傭姐姐外表不俗：

「首先工人姐姐個樣係唔錯，幾似之前網上爆紅嗰個識廣東話個姐姐，後生靚女嚟，同香港人個標準去比較都唔差，身材又幾平均，係皮膚差啲，唔會好似平時係街上面見到嘅姐姐咁偏肥。」

擔心家中外傭姐姐「搞三搞四」

樓主見女友人擔心老公會「偷食」，於是追問對方為何要聘請一個「靚女」，而不選擇外表普通的外傭；未料友人竟坦言，當時因為姐姐外表「順眼」才決定聘請她。由於網上不時傳有外傭勾引男僱主、亂搞關係的負面新聞，友人又擔心家中外傭姐姐會「搞三搞四」。友人的疑心病重，令樓主聽後大感無奈：

「請完又要驚，都唔知想點......佢又會好驚個姐姐因為自己靚會出去搞三搞四。」

樓主續指，友人丈夫並沒參與選外傭的過程，整個聘請事宜都由友人獨力完成，因而覺得對方做法十分矛盾：

「其實呢個工人姐姐佢老公冇份揀，更加冇參與過，所有嘢都係我姊妹自己搞掂，但係請咗佢返嚟又船頭驚鬼船尾驚賊。」

網民：自己攞嚟驚

帖文發布後，不少網民留言指樓主友人自尋煩惱，認為她對自己太沒有信心，「自己攞嚟驚」；亦有人建議其友人可以在家安裝閉露電視，以消除自己的疑慮，不過有網民則笑言是「多餘」：

↓ 點 擊 圖 片 放 大 ↓

非常外傭｜外傭姐姐穿性感睡袍通屋走 反駁女僱主10點後係私人時間，詳情即睇：【下一頁】

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

每朝索取《晴報》：精明生活．健康家庭．開心娛樂

撰文：林幸琦