風水問題｜新居被媽媽指有「三煞位」 強拎鎖匙擅裝神枱放八卦鏡黃符 港女：整完反而唔舒服

相信家居「好風水」的首要條件，就是住得舒適。一名港女近日新居入伙，遂邀請家人上門食飯；未料，媽媽卻指客廳窗口位置有「三煞位」，事後更拎鎖匙擅找「高人」放神枱於該處，並在全屋多處擺放八卦鏡及黃符。對此，事主日前回家發現後大感不安：「原本都好哋哋，佢整完之後我反而更加唔舒服！」

該名港女上周五（14日）在「香港討論區」以「阿媽話我新屋係三煞位，夾硬安咗個神枱係窗邊……」為題發帖，指自己購入了大埔富·盈門一個低層單位，「貪佢夠清靜，又算方便」。她指自己沒有宗教信仰，「都唔會特登睇風水嗰啲嘢，最緊要自己住得舒服。」

事主續指，她裝修完後便遷入新居，並於日前邀請家人「上嚟食個飯旺旺佢」。她指出，媽媽原本喜愛其新居，但當日對方走到窗邊時突然表示不滿，

「佢一行埋窗邊就發晒癲，話呢個位係三煞位，下面就係橋，林村河同馬路交界，又多車多船，畀啲嘢『叉』住晒，多車多人多船會畀外帶走晒啲錢財同運氣.....」

（↓點擊圖片放大↓） 

於是，媽媽要求事主交出鎖匙，稱「搵人上嚟搞搞佢就得」；事主對此感到無奈，「我自己就唔信呢啲嘢，不過見佢講到咁又唔想拒絕佢一番心意。」然而，上周四（13日）她外出回家後，卻赫然發現窗邊多了一個神枱，

「我影完相畀佢（媽媽）睇，佢話『啱架啦細細地唔阻地方！』仲叫我早晚上香……」

而更驚人的是，原來除了在客廳擺放神枱，媽媽更在全屋多處擺放八卦鏡、黃符符，「之後我又發現屋企啲角角落落多咗好多八卦鏡呀黃符之類，原本都好地地，佢整完之後我反而更加唔舒服！」由於深感煩惱，事主於是詢問一眾網民：

「呢啲嘢唔想要應該點處理？係唔係就咁放去垃圾房就得？我又唔知佢裝咗幾多嘢，有冇乜方法可以搵晒佢哋出嚟？」

此事引來網民熱議，不少人均對事主媽媽擅自在子女家中放置神枱、八卦鏡、黃符等物品表示不認同，直斥「間屋係你住唔係你阿媽」。另有人著事主小心處理以上物品，並與媽媽好好溝通，表達自己意願的同時亦應照顧對方感受：

（↓點擊圖片放大↓）

至周二（18日），事主回覆網民時表示：「我唔信宗教，但係我信人個『念』，所以我都打算跟返阿媽個諗法去處理，搵個師傅睇睇點請走個神枱，佢話要佛誕（19日）之後......」

上車機會？｜嘉湖山莊448呎凶宅售$468萬，標明已打齋適合陽氣旺盛人士，詳情即睇：【下一頁】

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】 

每朝索取《晴報》：精明生活．健康家庭．開心娛樂

責任編輯：李凱晴