ERROR自肥企画丨格仔導演Mike分享幕後製作心得 「我哋一路堅持緊認為啱嘅嘢」

ViuTV節目《ERROR自肥企画》自出街後，備受一眾年輕觀眾追捧。「格仔導演」Mike（劉諾衡）昨晚（17日）特別獻上以「BTS」（即Behind The Scene）為主題的一集，分享節目幕後製作花絮外，又大談製作人工作的辛酸，他正經說：「有時堅持聽落好容易，但係好難、好多因素（阻礙），但係就睇你堅唔堅持到……」，之後畫面打出「致 一直還在堅持的人」，以此勉勵大家。

{{hket:inline-image name="05182116.jpg"}}{{/hket:inline-image}}

{{hket:inline-image name="05182114.jpg"}}{{/hket:inline-image}}

ERROR自肥企画｜阿Dee「細佬」受罪片段無碼流出 接受忍術制裁「爆丸」跪地慘叫【下一頁】

ERROR四子在節目內不時受到團隊的懲罰及整蠱，原來「格仔導演」Mike跟幕後團隊事前曾逐一測試過各項懲罰。當中見到他們在炮製「有料」泡芙後，各自進行試食，有人當場食到嘔，亦有人死忍谷到標晒眼水，「憑住我哋非常嘅想像力，我哋諗到唔同類型嘅遊戲，好多時牽涉到特別嘅道具，『Big壁精奴』嘅門就見到係咩一回事。原本我哋畫晒設計圖，係用非常靚、用木架製成，完全唔需要人手扶住嘅門，但報價要五萬，超過我哋一集節目預算；最後用我哋嘅方式完成。」團隊之後改用發泡膠製作假門，正式錄製時改由人手扶實，最終順利拍攝該場面。

提到大懲罰的「死亡行星」，Mike說：「我係非常滿意呢個Product（死亡行星），我覺得拎出去賣係賺到錢；點整就唔講，因為係商業秘密。佢絕對唔係安全嘅嘢，但係只要你劑量用得恰當，係唔會做成永久傷害。」畫面同時播出測試過程，有人被撃中下體，當場痛到瞓在地上；亦有人被打中腹部，肚皮紅了一大片，久久不散。

ERROR自肥企画｜惡搞動漫改歌詞自嘲低價製作 網民讚193扮女人 咩係「Big壁精奴」？【下一頁】

Mike話他亦很喜歡整蠱類的「遊‧詐‧詭」環節，於首輯《ERROR遊》時已開始構思跌入窿的項目，「當時因為Budget拍唔到，掘個窿好貴……拍之前都花咗兩日去睇個窿，點做同點令件事安全。期待咗三年，終於唔係靠人哋，係靠自己一手一腳去做。拍得到嗰個畫面（阿Dee被整蠱成功的畫面），係數一數二嘅享受時刻，嗰吓成功感好大。我好享受每次拍攝前一晚，我哋成班喺公司做道具嘅Moment（時刻）。」而Mike和團隊真的有親身測試，亦做足安全測試，結果成功整蠱阿Dee（何啟華）。

（↓點擊放大睇圖片↓）

Mike最後正經地表示：「講少少做節目心得，其實做節目同做任何嘢都一樣，就係講緊『堅持』，係非常之老土。有好多時候你會遇到好多阻礙，因為道義、Budget，好多好多唔同嘅理由，佢哋會阻礙你堅持；我哋呢個節目，可以行到嚟呢度，叫做拍到啲會有觀眾欣賞嘅節目，係因為我哋一路堅持緊我哋認為啱嘅嘢。有時堅持聽落好容易，但係好難、好多因素（阻礙），但係就睇你堅唔堅持到。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】