193@ERROR│郭嘉駿終單飛出歌一日30萬點擊 「點會黐線鍾意我而唔係姜濤？」

郭嘉駿（193@ERROR）在ViuTV節目《ERROR自肥企画》中的「個人自肥企画」，選擇了「人氣出奇蛋」，希望製作組滿足他三個願望。原本193許願自己能夠登上時裝雜誌封面，可惜慘食「閉門羹」下唯有改變策略，似乎迴響更大！除推出單飛歌曲《睡到三點》外，更有機會拍MV，MV短短推出一日已經有超過25萬的點擊率，非常厲害！

ERROR成員｜193人氣急升IG粉絲逾20萬超姜濤 粉絲狂推做米線代言人：合作洽商中【下一頁】

{{hket:inline-image name="DSC07779.jpg"}}{{/hket:inline-image}}

{{hket:inline-image name="DSC04425.JPG"}}{{/hket:inline-image}}

193參加《全民造星》之前是時裝買手，熱愛時尚服裝，更有親自設計的個人品牌；在《ERROR自肥企画》的願望是登上時裝雜誌封面，絕對明白，可惜的是暫時未得到認同。193說：「有兩本雜誌都推咗，甚至有人話低層嘅香港人就識你，高層次嘅唔會知你係邊個。」同時表示單飛出歌嗰團火一早就有，見隊員肥仔（梁業）、保錡（吳保錡）都先後出歌，令他一直心癢癢，「有次《Chill Club》頒獎禮見到花姐（監製黃慧君），花姐聽完（《睡到三點》）後話鍾意，可以幫我派台……原本諗住喺節目出歌放上YouTube玩吓㗎咋，反正連影封面都冇影……冇諗過真係會派到台！」

193的派台新歌《睡到三點》，講失戀，有R&B感，他認為以往ERROR的193總是被定型為「黐線佬」、「搞笑佬」，今次他親自填詞以表現鬥心。「相信大家都冇諗到193會出歌，我唔理人點睇，一路都係去學演戲、學唱歌，跳舞就真係唔鍾意，所以放棄咗。以往都試過喺YouTube出翻唱歌曲嘅影片，而家終於如願出到單飛歌！」他表示利用節目的資源去製作歌曲並不足夠，同時靠自己人緣去碌人情卡，「肥仔出首歌幾十萬，已經夠我出20首啦！Madboii冇問價錢就幫我整Demo；我自己都再拎一嚿錢出嚟補貼，因為藝術作品係要有價值，我唔想壓榨創作人嘅心血！」

（↓點擊圖片放大↓）

最後一屆口罩小姐│ERROR做隊長表情管理被考牌 「最怕係佢一除罩全場安靜」【下一頁】

ERROR的誕生就要跟MIRROR走不一樣的路線，他們的成功是不斷挑戰傳統電視台的尺度，令觀眾感到過癮、抵死，193說：「我唔覺（節目形式）走歪（路），搞笑嘢一向最易入屋，全世界都一樣。不過香港人總係視諧星係Low，其實諧星有個星字，絕對值得尊重。其實ERROR係有底線嘅，但暫時未諗到係乜嘢，我哋嘅底線慢慢畀人越拉越低。」提到近日193的敢言令他的IG Followers激增，甚至超越「人氣王」姜濤，他強調自己尊重前輩，針對的並非曾志偉而電視數據盒的收視，「我識分別愛戴我同純粹Follow我嘅人，（兩者）我都好歡迎嘅，多Followers就多廣告賺到錢。其實由《全民造星》一路走來都係一個神蹟，係鍾意都鍾意姜濤啦！點會黐線到鍾意193而唔係姜濤？但真係好多謝佢哋嘅無條件支持，多謝亦感恩有呢一班粉絲支持。」

（↓點擊圖片放大↓）

此外，193特別接受《晴報》直擊的邀請，解答不少粉絲的問題！想知193點答？Click入條片睇吓啦！

{{hket:youtube id="goRt8i93B7E"}}{{/hket:youtube}}

{{hket:inline-image name="3b85333a-a888-4624-97d7-a007908a784a.jpg"}}{{/hket:inline-image}}

化妝：Rainbow & Cori @Annie G. Chan Makeup Centre 
髮型：Leo Fan @Chic Private i Salon
服裝： FENDI(outfit) + HOAX(shoes)

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉