楊茜堯陳敏之少女變索爆人母 小珍珠與山聰囝囝眼碌碌對親家

楊茜堯（前名楊怡）同羅子溢（前名羅仲謙）嘅愛情結晶「小珍珠」愈大愈靚女，「緊張大師」都隨住小珍珠長大開始多咗同佢出街街同見人。近日楊茜堯就同已經為人父母嘅老友陳敏之同陳山聰聚會，山聰仲帶埋老婆同囝囝，由3個人變成一個大家庭，真係好amazing呀！

{{hket:inline-image name="188837540_109866657953167_4355135388514341441_n.jpg"}}{{/hket:inline-image}}

原來日前佢哋去到利園二期大玩特玩，楊茜堯大方post出自己素顏影嘅合照，連唇膏都冇搽嘅佢依然好靚，楊茜堯留言：「約了又約，約了又約，終於見面啦！我們這些父母都是長不大的孩子，希望孩子們長大後都要像我們一樣，繼續相親相愛。JacoBB好可愛， 敏之姨姨，期待下次再帶我們好玩的地方。」唔知有冇順勢同大5個月嘅山聰仔「Jaco」對親家呢？

敏之亦有將合照放上社交平台留言：「好開心呀！終於見到好姊妹一家，同埋靚靚小珍珠，真係人見人愛，長得美美的小公主，我們這班一起長大的好友，依家個個都結婚生仔了，大家都有唔同嘅階段，現在應該是另一種幸福吧！下次我哋有小朋友聚會，小珍珠一定要一齊參加啊，很喜歡你喔！」

其實佢哋嘅友誼已經要追溯到2003年一齊合作拍劇集《衛斯理》，當年敏之同楊明正係拍緊拖，而楊茜堯同楊明係訓練班同學，當佢係半個細佬，知道楊明對感情「花弗」，後來同敏之傾偈知佢唔開心，傾傾吓就開始熟。去到依家佢哋已經各自有自己家庭，緣份嘅嘢真係好微妙呀！

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】