好聲好戲｜盧雄入行逾40年獲頒殿堂聲演獎 勉勵新一輩唔好灰心終有出頭天

無綫配音比賽《好聲好戲》連續兩晚有熟悉的面孔出現。前晚「殿堂聲演大獎」的得主盧雄，聲演過成奎安及曹查理外，更可謂星爺電影的「御用配角」，既是《回魂夜》的保安隊長，又是《九品芝麻官》的尚書大人。至於昨晚新一組的專業評判團成員中，可見到昔日演員，包括狗明星「常滿」的主人葉振聲，及《城寨英雄》「爛賭發」魏惠文。

{{hket:inline-image name="05201102.jpg"}}{{/hket:inline-image}}

{{hket:inline-image name="05201103.jpg"}}{{/hket:inline-image}}

葉振聲轉做配音員人工倍增 放棄幕前「有人搵但冇時間拍」【下一頁】

前晚一集，由王祖藍負責介紹及頒發「殿堂聲演大獎」，「盧雄叔喺70年代加入商台做廣播劇，亦都有喺佳視做演員；後來投身電影配音行列，縱橫配音界40幾年，作品無數。你仲記唔記得《西遊記》裡面嘅菩提老祖，又或者《整蠱專家》裡面嘅一句『淫賤不能移』，到而家都為人津津樂道。佢聲演成奎安時可以凶神惡煞，聲演曹查理時可以抵死幽默，聲演各種金庸武俠廣播劇可以豪情萬丈、俠氣干雲。除咗配音之外，佢仲有參演幕前演出，《回魂夜》裡面嘅保安隊長盧Sir，《九品芝麻官》裡面嘅尚書大人，都帶畀我哋好多歡樂。」

盧雄分享得獎感受：「我做咗40幾年，而家先知道，仲有人注意到我哋配音，多謝TVB啦！記起我初初入配音室係冇位置，都係做吓『先生，飲咩』、『咖啡』、『OK』嗰啲。到有一次戲入面有外國人，導演要佢講廣東話，因為我中學有好多外國神父，佢哋講廣東話唔正，我百厭學佢哋講……就係咁上咗位。所以有一個時期，港產片嘅外國人講廣東話，全部都係由我配。」

盧雄之後語重心長勉勵新一輩，「而家有好多未入行嘅朋友想做配音員，同埋有啲入咗行、仲係覺得自己未係好上位……唔好灰心，亦都唔使驚自己把聲唔靚。大家聽到我把聲幾衰啦，唔係點配成奎安？其實把聲靚與唔靚都唔緊要，只要你有心機去做，肯去做，唔好灰心，有一日一定會成功。」

魏惠文曾「食樹根」靠綜援度日 家姐車禍斷手腳 哥患思覺失調【下一頁】

{{hket:inline-image name="05201111.jpg"}}{{/hket:inline-image}}

{{hket:inline-image name="05201110.jpg"}}{{/hket:inline-image}}

此外，《好聲好戲》昨晚開始由第三組藝人作賽，由洪永城、陳自瑤、楊潮凱及羅毓儀爭奪第三名出線權；而專業評判團亦換上另一組人，有「小丸子」鄭麗麗、「花師奶」雷碧娜、葉振聲（代表作《Go！阿童木》茶水博士）及魏惠文（代表作《包青天》馬漢），當中兩位男評判曾參與不少劇集演出，觀眾可能會對他們有些印象。

葉振聲是1992年無綫第五期藝訓班學員，畢業後經常在劇集中出現，可是未能走上一線；後來轉做配音員，至今已十幾年。雖然他暫時不會再到幕前演出，其愛犬於2017年卻接拍了《不懂撒嬌的女人》，飾演宣萱戲中的愛犬「常滿」，升呢做星爸！

（↓點擊放大睇圖片↓）

而魏惠文是無綫的資深綠葉之一，2016年憑《城寨英雄》的乞人憎爸爸「爛賭發」，令劇迷所認識。他1990年畢業於演藝學院，可是完成學業後無人賞識，曾靠打散工過活，後來經舊同學介紹入無綫工作，生活才穩定下來。

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】