倪晨曦海邊哺乳被圍插罔顧安全 負評兼脫粉:當小孩是時尚單品？

現年33歲嘅女神倪晨曦（Elva）去年11月榮升人母，與圈外丈夫吳嘉釗誕下兒子Virgil。倪晨曦經常喺網上分享自己嘅靚相，自從阿仔出世後，母子不時扮靚靚出現喺IG上，肥肥白白嘅Virgil深得母親真傳，又靚仔又可愛，網民都勁like！

{{hket:inline-image name="182994137_788245248486570_325639077370538562_n.jpg"}}{{/hket:inline-image}}

尋日Elva就趁住5月20日（我愛你）呢個日子出Post，同囝囝示愛。呢張Elva正在餵兒子喝人奶嘅黑白合照，靚媽擺出一副冷酷表情，並以英文寫道（翻譯如下）：「你給予我相信自己嘅力量，你教曉我乜嘢係無條件嘅愛，你係唯一從內裏知道我『心聲』嘅人。」半歲嘅Virgil非常好肉地，見到都好肉緊想咬啖！而Elva生BB之前同出咗之後都keep得好弗，好多網民都大讚呢張相勁唯美，甚有意境同意思，就好似有無論出面幾大風浪都有媽媽擋住，好sweet！

{{hket:inline-image name="188691180_529728101551181_2819517793481919913_n.jpg"}}{{/hket:inline-image}}

之不過呢，呢張相同時引起好多fans關注佢同BB嘅安全，認為Elva為咗「打卡」呃like就唔理環境有幾危險，留言：「有BB不容易，即便是藝人模特還是注意安全才是。大人在這岩石上走都要小心，何况是BB？不是噴子（hater），單純覺得母親要有母親的樣子。」、 「咁即係代表佢餵奶淨係為咗影相？餵奶為咗1秒？（按下相機快門）」、「1秒間可以發生無限可能」；更加有fans揚言要unfollow Elva，鬧佢為咗呃like唔畀衫BB，話佢咁做只係為咗得到更多關注，當初生Baby係工具，非常自我中心。

有反有正啦，都有唔少人力撐Elva，指唔會有媽媽十月懷胎為打卡，「照片很美！需要多點像這樣normalize天然哺乳的照片，感謝Elva分享！p.s. 看到有人說寶寶沒衣服會冷、拍照地方不安全甚麼的……大家未免過分憂慮吧，照片只是1秒間的事，當媽咪的當然會想到！」

（點擊圖片放大）

Elva今日都刻意再出一帖，畀大家睇現場嘅真實環境，其實係好安全！「腳踏幼沙，坐在沙灘邊的岩石上，吹著28度的海風，既溫暖又暇逸。#放心浪不會撲過來 #我坐的岩石都很矮 #大家都很安全 #攝影師的角度總是很厲害」見Elva只係坐喺沙灘石上，而囝囝都笑得好開心，真正係好溫馨呀！