【聲明】港生活網站並無進行電話推廣活動

有意茹素保健康 胡定欣:行超市避開零食區

發佈時間: 2021/05/21

胡定欣昨日出席馬德鐘太太張筱蘭的《健康長壽︰香港實證研究》新書發布會,定欣坦言今年已經踏入女人四十,所以決心實行健康飲食,更有意效法馬德鐘夫婦茹素。

馬德鐘太太張筱蘭博士昨日舉行新書發布會,希望積極推行茹素,胡定欣、陳庭欣、周家怡及朱慧敏等現身支持。定欣笑言今年迎接40歲,明白年紀愈大愈注重健康,所以特別落力做運動,亦希望慢慢改變飲食習慣。她笑說:「我想試下茹素,其實我平日都好少食煎炸嘢,驚影響皮膚,開工出鏡會唔靚。但我本身鍾意零食,所以每次行超市都盡量避開零食區;飲酒會酌量咁飲,提醒自己唔可以過量,一班朋友食飯開心先會飲少少。」

至於感情方面,單身的定欣毫不心急:「順其自然啦,有健康身體先可以做其他嘢。(考慮雪卵?)呢啲又係另一樣嘢,暫時未有打算,都係交番畀我自己處理啦。身邊朋友結婚生仔好開心,但唔同人有唔同計劃。」

馬德鐘被爆曾酗酒

張筱蘭博士在台上大爆老公馬德鐘以前是「食肉獸」及試過酗酒,後來變成素食者。馬德鐘表示受太太影響,改變不良習慣:「屋企人有三高,我唔想咁樣,加上我有脂肪肝,成個人腫咗,幾乎無得撈。」幸好茹素半年後,馬德鐘的身體及面色也好得多,他笑說:「呢個就係坊間話我整容嘅『真相』囉!」事後他特別澄清並非酗酒那麼嚴重,只是以往出席飯局時會飲酒:「我爸爸中過風,慢慢手腳都無法郁動,令我開始改變飲食習慣,連蛋都少食。」

採訪︰Pauline

美術:梁政敏

有意茹素保健康 胡定欣:行超市避開零食區

(左起)周家怡、敖嘉年、朱慧敏、馬德鐘及張筱蘭,輪流分享健康飲食心得。