好聲好戲｜洪永城配唔掂「丁蟹」捧蛋滴汗 《愛回家》「路小小」激動喪喊

無綫配音比賽《好聲好戲》昨晚安排第三組參賽者進行「自選聲演」環節，當中洪永城挑戰《大時代》「丁蟹」鄭少秋，羅毓儀則揀了《溏心風暴3》「楊馮美美」韓馬利，而陳自瑤就配《流氓皇帝》「尤如絲」鄧碧雲。結果洪永城首回合挑戰失敗，獲得「滿江紅」的捧蛋成績；羅毓儀有1綠6紅分數，但在聽評語時情緒激動，在現場喪喊冇停過；陳自瑤就獲評判一致讚賞，得到全綠燈的滿分成績。

{{hket:inline-image name="05211114.jpg"}}{{/hket:inline-image}}

{{hket:inline-image name="05211109.jpg"}}{{/hket:inline-image}}

《凶宅清潔師》新造型｜洪永城擔心髮線上移：要搞搞佢 跟足Skinhead視帝影帝無有怕【下一頁】

洪永城昨晚聲演「丁蟹」表現一般，未能做到秋官帶點瘋狂的感覺，評判亦一面倒，全部給予紅燈分數，令洪永城首回合捧蛋而回；不過，作為旁聽生的林夏薇及郭子豪就搞笑地用手機給予他兩盞綠燈，以示鼓勵。主席評判之一的阿姐（汪明荃）說：「因為我同秋官實在太熟，尤其係佢做呢類戲，唔單止到（位），仲Over（過火），所以我唔覺得你係佢嗰種激動。」韓馬利認為洪永城聲音似高了8度，跟秋官樣子唔夾；陳永信就指洪永城只是好勞氣在說話，並沒有演繹出秋官的戲；不是大聲就代表激動，要語調及語氣上配合才對。

（↓點擊放大睇圖片↓）

洪永城在後台說：「其實要演丁蟹真係好難，佢所有嘅節奏、情緒、能量、瘋癲、瘋狂，要配合得好好先可以做到一個好好水平。」陳自瑤就指他只是揀錯配音片段。

於《愛回家》飾演美少女作家「路小小」的羅毓儀，這晚越級聲演前輩韓馬利，但跟洪永城一樣不合格，只得1綠6紅的成績，而惟一一盞綠燈分數，是由曾飾演她爸爸的魏惠文給的；她在聽評判意見時，心情激動，又在鏡頭前喪喊。韓馬利說：「我唔係好鍾意，坦白講做演員，我未必成日喺一個好好狀態，最後係靠配音員修補到我（演出），能夠令到角色起死回生。頭先我睇，如果韓馬利用呢種語氣去演戲係好失敗，你係好用力去做，但感情唔喺入面，嗰種傷痛冇出到嚟，只係不停鬧人鬧人，冇咗內心戲。」

《陀槍師姐2021》︳李成昌為鄧佩儀與義子洪永城反目 現實「小男人」甘為女兒節衣縮食【下一頁】

到魏惠文給予意見時，又令羅毓儀當場爆喊，更激動叫對方應該繼續鬧自己。魏惠文說：「我係有啲私心，佢喺戲入面做過我個女。點解會畀綠燈？睇佢做嘅時候，起碼係用心用力去做，呢個對佢配音同事業都好重要！」

羅毓儀事後表示：「阿Man（魏惠文）曾經做過我爸爸，佢嘅鼓勵說話就好似喺黑暗處嘅一盞燈，聽到嗰一下係好溫暖，好似被人攬住咗，所以就忍唔住喊！」

（↓點擊放大睇圖片↓）

陳自瑤以石岐話配鄧碧雲的演出，神似度十足。阿姐大讚她說：「我同『媽打』鄧碧雲好熟，拍過幾部戲，佢講嘢好清楚又好快。覺得加埋少少鄉下音就好神似。」陳永信給三個好的評語，指陳自瑤很入戲，認為一般配音員未必有這個水準。

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】