《靚媽圍爐》︳林芊妤兒子出世重整人生版圖 曾棄拍戲良機：原來我夢想變咗

林芊妤（Coffee）現身3位主持孫慧雪、關心妍及張美妮的網上節目《靚媽圍爐》，4位靚太坐埋自然大談湊仔經。原來Coffee自從生了兒子翟德彥（伯伯）後曾懷疑人生，也因兒子令她重拾自信，去做自己喜歡的事。

{{hket:inline-image name="56.jpg"}}{{/hket:inline-image}}

 關心妍、林芊妤、孫慧雪和張美妮在與小朋友的相處中，學做稱職媽媽。（林芊妤IG）

{{hket:inline-image name="53.jpg"}}{{/hket:inline-image}}

林千妤和伯伯深受網民歡迎。（林芊妤IG）

為了兒子可以去到幾盡？Coffee說可以連拍電影的機會都推掉，「好多人問我，係咪為個仔放棄事業？其實我意思係，原來以前我日日發夢……嗰啲夢想到呢一刻根本唔係夢想！我而家嘅夢想係做瑜伽老師，推出自己品牌，剩落嚟嘅時間，就用嚟湊仔、陪伯伯成長。」

曾接種復必泰丨Coffee小產遭「仇女」網民惡毒攻擊 被落井下石污衊「濫交易流產」 【下一頁】

Coffee自覺當人母後成熟不少，之前伯伯的個人IG超過17萬的粉絲追蹤 ，但見兒子日漸成長，為保私隱，便在伯伯2歲生日時狠心將IG刪除！她說：「為咗佢個人account，每日我都要upload幾次，諗諗吓佢雖然細，但係好似冇晒私隱咁……伯伯都會喺我IG出現，畢竟係我個仔，我同佢一齊share同一人生。」伯伯的曝光率比之前減少，「諗諗吓，我根本唔想個仔太早接觸社交媒體生活，唔想第日佢返學，跟同學鬥多follower，以為自己好勁！咁細個已經喺高峰，對佢唔係好事。」有日伯伯長大，會獨立思考，都會有自己的IG或想當Youtuber，「我不反對，咁佢要從零開始，凡事要學懂靠自己去建立。」

（↓點擊放大睇圖片↓）

節目上，Coffee同時分享懷孕時胎盤前置的問題，放棄順產改為剖腹生B，她奉勸天下媽媽，千萬不要有「順產是Angel，開刀是Devil」的觀念，凡事要以BB的安全為首位，「醫生喺我佗37周時問過我，博一直瞓床等順產，但就要冒血崩、保不住BB嘅風險……我第一時間揀保護BB，以BB安全為先係媽媽咪嘅首要任務！所以各位媽咪唔好覺得開刀（BB）就係魔鬼囉！」講到戒人奶方法，Coffee做了一個錯誤示範，「有一次我出行，將伯伯畀父母湊，諗住佢順便戒掉人奶……可惜最後戒奶不成，伯伯以仲為媽媽背叛佢，要離開佢！」伯伯與媽媽「久別重逢」時狂喊，「BB戒人奶時一定要一直陪同，讓囝囝有安全感才會成功！」

（↓點擊放大睇圖片↓）

撰文：衛紫敏

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

師傅愛你他她它│七仙羽認性感華人不敢駕馭 無懼被罵騎呢神棍：送歡樂積功德 【下一頁】