向海嵐四料冠軍做港姐導師夠格 凍齡冇得懶每日堅持做4件事

向海嵐（Anne）同王賢誌（Vinci）日前出席活動，擔任剪綵儀式的嘉賓，「疫市」下公布二人成為健康產品嘅最新代言人。

Anne、Vinci不時被讚凍齡有術，二人異口同聲表示「心態決定狀態」，保持心境樂觀、開朗是秘訣之一。Anne坦言自己在保養方面下了不少功夫，更分享keep fit心得。「其實去年全年疫情影響下，自己都比之前注重健康，即使每天點懶都堅持喺屋企做30分鐘簡單運動，晚上六點後則戒食澱粉質，亦有食保健產品，畢竟有些supplement係平日飲食中吸收唔到。咁啱呢個時候因為傾緊代言人工作，自己就試食產品一段時間，就係咁一拍即合，疫情加逆市，有工作當然好感恩。」

{{hket:inline-image name="4.JPG"}}{{/hket:inline-image}}

Anne做港姐導師派貼士

Anne係1998年度四料香港小姐，這位冠軍級人馬稍後會為今屆港姐競選擔綱導師一角。「詳細要做啲乜嘢還未知道，自己港姐出身，眼見TVB今年咁重視香港小姐競選，當然好開心。佢哋有呢個構思好好，自己希望以過來人身畀啲貼士師妹，我應該唔算係好嚴苛嘅導師。」

對於經典劇集《無頭東宮》，最近舊作又被網民追捧，成為最想看的重播劇，Anne大表驚喜，估不到網民會喜歡。「都成20年嘅作品，自己睇番當時演技真係好差，有好多改進空間，作為集體回憶係OK 。」

（點擊圖片放大）

Vinci婚後互相鞭策變fit

至於另一代言人王賢誌，好直接說：「我過咗五十歲就唔係秘密，keep住運動好重要，自己都好好彩，家人遺傳下手手腳腳都瘦，所以望上去就fit啲。」好多人結婚後都會「幸福肥」，Vinci跟另一半Kevin是越愛越fit。「我哋結婚就快五年，但大家一齊生活就已經好耐。拍拖時候都試過有幸福肥問題，加上我飲食方面唔算好小心，好喜歡食煎炸及肥膩嘢；反而佢就好節制，雞皮一定唔食，做運動嘅恆心又堅定過我，我有時嫌熱，就推遲明天才做運動。有他在身邊不時鞭策我，見我食雞皮又『喝』一下阻止我，互相好好影響一下。」

講到幕前演出，Vinci透露將在熱播劇《逆天奇案》最後的七集亮相，所飾演的律師角色跟本身的形象截然不同；雖然有時會有戲癮，但公務繁忙的他自言總不能像以往般捱更抵夜，現在拍劇是遇到好的劇本和有充斥時間才會接拍。