Staycation｜赤柱住酒店遭泳衣女拍卡入房問路 港女：沖緊涼咪畀人睇晒？

新冠肺炎疫情下無法外遊，不少人都會到酒店Staycation（「宅渡假」），一名女生分享最近住酒店的「中伏」經歷，指入住赤柱的酒店期間，突然有2名身穿泳衣的女子拍卡入房問路：「呢到係咪浸浴？」事件令她非常驚訝，質疑酒店保安有問題。

一名女網民本周三（19日）在Facebook群組「香港 Staycation 酒店交流谷」中發文，表示早前入住赤柱一間酒店渡假，預訂後才在網上看到該酒店有不少劣評，包括污糟、床單傢俬殘舊有漬等，奈何無法退款，只能繼續入住。

事主本月4日跟男友帶同寵物犬入住，她形容地方頗大，尚算乾淨，儘管傢俬較陳舊、部分燈損壞，但整體尚可接受，然而翌日卻發生一宗驚嚇事件，令她大為氣憤。

Staycation｜酒店床邊休息男職員突拍卡入房，港女：如果我無著衫一定報警，詳情即睇：【下一頁】

兩泳衣女突拍卡入房問路

事主表示其客房位於8樓，入住當晚有把防盜鎖扣好，至翌日早上醒來後，男友打算落樓買早餐便把防盜鎖解開，未料不夠5分鐘後，竟有人拍卡入房，更問他們「呢到係咪浸浴」，令當時仍穿著睡衣的事主大為震驚，形容：

「第一次聽到門聲我就喺床度，我以為我聽錯！之後第二次真係聽到有人開咗門入嚟，我就叫我男朋友衝去睇吓，心諗都未夠鐘邊有咁快執房，跟住就見到有2個著泳衣、帶住黑超嘅女人入咗嚟問我路，當時我哋都呆咗。」

質疑酒店保安有問題

事主直言不能接受，指酒店每層只有一間客房，形容「冇諗過會有其他人入到我間房」，憤而向酒店反映，然而樓高8層的酒店只見一名職員，對方更稱「如果有投訴嘅話只可以喺Email（電郵）講」。事主質疑酒店的保安水平，表示如她當時不在房內，恐會招致財物損失，

「保安真係好有問題，我唔排除酒店畀錯卡遊客，但呢個錯誤絕不能接受，如果我唔喺度我嘅財物咪有機會畀人偷？如果我沖緊涼？我咪畀人睇晒？」

奉勸不要入住涉事酒店

事主指花費約2,000元租住一晚，但該酒店除了地方大、環境好、可以帶寵物犬外，其他配套都一般，

「呢間嘢（酒店）簡直『極品』，伏到不得了！可一不可再，絕不有第二次。」

不少網民看到帖文後，均對事主的經歷表示震驚，

↓ 點 擊 圖 片 放 大 ↓

另有網民表示該酒店8樓行上一層有浸浴池，估計該2名女士是走錯地方，亦有人分享入住該酒店的不快經歷：

↓ 點 擊 圖 片 放 大 ↓

Staycation｜夫婦帶6歲女住酒店投訴浴室透明，港媽：老公去廁所好尷尬，詳情即睇：【下一頁】

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

每朝索取《晴報》：精明生活．健康家庭．開心娛樂

撰文：蘇麗儀