打工仔辛酸｜月薪$9000請文員工作5.5日 網民勞工處發現「荀工」嘆：人工回到20至30年前

新冠肺炎疫情令經濟重挫，不少打工仔因而失業，而重新搵工亦甚艱難。有網民日前在勞工處發現一則招聘廣告，只見有僱主開價9000元聘請文員，要求每星期工作5天半。對此，事主有感僱主刻薄，不禁慨嘆：「人工回到20至30年前！」

該名網民上周四（20日）在「香港討論區」以「而家搵工真係好慘，有啲公司出HKD9,000（5.5 Days）」為題發帖，指自己在勞工處的招聘網頁上發現了一則招聘廣告，慨嘆：

「而家搵工真係好慘，有啲公司連最低工資都畀唔到，經常人工回到20-30年前。e.g. HKD37.50 x 9 hours x 31 days = HKD10,462.50，但佢竟然出HKD9,000人工。」

（↓點擊圖片放大↓） 

從其上傳圖片可見，一間進出口貿易公司欲聘請文員，又列出崗位8大職責及對應徵者的相關要求：

此外，招聘廣告又列明一則備註，指僱主可就此職位空缺申請參加「中高齡就業計劃」，歡迎中高齡求職人士應徵。 

對此，事主認為僱主所開條件刻薄，直指「1997年係出HKD10,000，2021年又係出HKD10,000」；令人無奈的是，雖然人工不升，但物價就升足幾倍，從前10至15元一碟叉燒飯，但現時已至40至50元一碟。

此事引來網民熱議，不少人認為涉事僱主十分「離地」，開價太低之除，竟要求員工工作5天半；而且，若打工仔每月只有9,000元人工，相信在香港難以應付生活開支。不過，亦有網民認為僱主跟足勞工法例，開價符合最低工資，而且要求不算高，做法並無不妥：

（↓點擊圖片放大↓）

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

每朝索取《晴報》：精明生活．健康家庭．開心娛樂

責任編輯︰李凱晴