宣傳影片疑抄橋 張曦雯無奈︰唔知咩事！

藝人陳家樂和張曦雯（Kelly）昨天到銅鑼灣出席連鎖咖啡店活動，被問到近日無綫重新剪輯Kelly於《3日2夜》中的片段，在網上平台「女神Channel」播出，但影片疑似抄襲組合ERROR的節目，她表示無辜，並解釋可能是剪接效果。

有網民指張曦雯在網上平台的片段寫上「自食可肥，但很好味」，是抄《ERROR自肥企画》。Kelly表示︰「唔清楚，無睇到。至於網上點用，同埋幾時上架，我都係通常做好先知，我朋友都話我畀人鬧。」

Kelly無辜稱不知道發生甚麼事，但問她有否覺得封面相似？她就說︰「有個句子係Imitation is the something flattery（模仿都是欣賞的一種）。可能公司覺得佢哋做得好，想Copy下，我都唔清楚發生咩事。」語畢Kelly即扯開話題︰「不如講下我男朋友！」記者再追問之後會否主動了解事件始末？她指︰「都落咗架，片段拍完就交畀公司。」

陳家樂被催公開戀情

同場的陳家樂再被問到與緋聞女友連詩雅感情是否出現問題，他表示︰「唔回應，太無聊，總之生活愉快，工作順利啦。」問他為何沒有恭喜女友獲微電影女主角銅獎、「520」當日亦沒有任何表示？他即露出求救眼神說︰「我唔知點回答呀！太無聊啦真係！太多虛構嘅事就無謂答。」

至於可擔心結婚不成變分手？家樂笑謂︰「總之好好，穩定啦！」似乎默認與連詩雅仍是男女朋友關係。

採訪︰Pauline

攝影︰林良明

美術：梁政敏