諸朋好友｜胡杏兒勁chur追問黃智雯感情事 胡蓓蔚爆姊妹公審姚子羚常遲到

「胡說八道會」成員胡杏兒、胡蓓蔚、姚子羚及黃智雯，昨晚（23日）擔任崔建邦和陳凱琳的節目《諸朋好友》嘉賓，杏兒錄影這集時正佗住三仔李奕宏（Liam），有點「幸福肥」！不過因好姊妹胡定欣和李施嬅不在，令胡說八道會未能齊人出席。但大家亦沒有因此講嘢就住就住，姊妹間更公開互數！眾人爆料杏兒原來性格勁chur，認識黃智雯時不斷問人有冇拍拖；又爆姚子羚出席飯局時經常遲到，結果被姊妹公審。

{{hket:inline-image name="paisleyhu189200.jpg"}}{{/hket:inline-image}}

{{hket:inline-image name="05241004.jpg"}}{{/hket:inline-image}}

預祝母親節｜胡杏兒坐完月未修身出關享天倫 約陳敏之一家遊樂園好大陣仗【下一頁】

杏兒指「胡說八道會」是一次她跟胡蓓蔚和胡定欣，「三胡」去食法國菜而成形，「大家好投契，話可唔可以每個月都去食個飯。」胡蓓蔚表示當晚上載照片後，有粉絲幫她們改名，之後姚子羚、黃智雯及李施嬅陸續加入。杏兒又說：「喺群組度分享時，都好似有其餘5個腦去幫你解決問題。」胡蓓蔚笑說：「最好笑係平日都唔覆，只要有一個打『Girls…I need to tell u something』（我要告訴你們一件事），個個即刻問咩事，難聽啲講，係咪八卦心理多過關心！」

胡蓓蔚又大爆杏兒是成員當中最喜歡問問題的一個，性格喜歡問到底，又要問得清清楚楚。杏兒即解釋：「我係出於關心。」黃智雯亦「幫口」說：「杏兒好關心我哋每一個人嘅人生大事，係會『好chur』咁追住你嚟問。我記得第一日同佢開工之後，佢『好chur』問我拍拖未？有男朋友未？仲係單身？對於男仔，佢係好有興趣知道。之後拍第二部《怒火街頭》又係咁問我。不過，佢真係有行動，有一日佢Whatsapp我，show張Facebook嘅相畀我睇，但唔知點解張相得四分三臉。佢話有個朋友介紹畀我識，跟住講咗一個list出嚟，我話都OK，可以食個飯先。我以為就咁完咗話題，（杏兒）幾秒後就話約咗後日，我話咁快？佢就話梗係，唔通下年呀！（即是現時男朋友？）我好專一嘅！」

老公李乘德改名│胡杏兒復活節前誕下8磅4囝囝 連生3個仔宣布收山不再追女【下一頁】

崔建邦反問杏兒認識老公時有否問大家意見，胡蓓蔚笑說：「佢都冇理過我哋，佢chur爆咗先，跟住消失咗幾日，突然話『oh，I am so happy！』。」

（↓點擊放大睇圖片↓）

胡蓓蔚再爆料話有次開會批評姚子羚經常遲到，「之前食飯佢都遲到，我哋好嬲，見到佢又唔知點鬧佢，不過後尾有改進。我哋覺得點解你拍嘢可以唔遲到，但同我哋食飯就可以遲到呢？」姚子羚就話：「呢樣嘢係大家觀點角度唔同。施嬅係一個好準時嘅人，佢覺得因為我哋重要，所以唔可以遲到；咁我對住最close嘅人，我就乜都無所謂，譬如我對住我阿媽都會遲到，但原來對佢哋就唔得喎，（佢哋）覺得咁樣唔尊重，就嘗試去調較吓；但工作上真係冇得揀。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】