《靚媽圍爐》婆媳糾紛︳孫慧雪爆老公被母寵愛智商歸零奶奶除女兒口罩張美妮嬲到爆炸

三位靚太孫慧雪、張美妮和關心妍（Jade）主持的網上節目《靚媽圍爐》，今集內容講大部分人妻都會面對的「婆媳關係」；Jade稱日本一項研究調查訪問了620名已婚女性，近三分一的受訪者認為與奶奶最好保持「10000 km」的距離。

{{hket:inline-image name="01.jpg"}}{{/hket:inline-image}}

三位靚媽大談「婆媳關係」，佢哋奶奶睇完會點呢？（網上截圖）

《靚媽圍爐》︳張美妮勁量級母乳如花灑式噴射 孫慧雪奇招通乳要靠老公幫手 【下一頁】

孫慧雪曾經和奶奶同住，明白「相見好同住難」，現在居住地鄰近奶奶家。雪雪老公是孻仔，「孻仔孻心肝」最得寵，最深刻一次是被奶奶問到「你有幾愛我個仔？」雪雪謂：「嗰時我都未入門，未嫁佢個仔，就答『我會同佢結婚，會好愛佢！』」而當生了兒子成為母親後，她便明白奶奶的感受，「因為我都好緊張個仔，會覺得將來個女仔夠唔夠愛我個仔呢？我老公都睇死我將來係『怪獸奶奶」』！」

{{hket:inline-image name="04.jpg"}}{{/hket:inline-image}}

關心妍引述日本調查，新抱與奶奶的距離最好有「10000公里」。（網上截圖）

至於與奶奶的相處之道，孫慧雪覺得老公角色都好重要，最激氣是對方經常借自己過橋，「乜嘢都話係我話嘅，好嬲囉！搞到我對住奶奶好無奈，老公性格又小朋友，知阿媽錫佢……老公對住阿媽時嘅智商係零，覺得有兩個女人愛佢，可以撒嬌！」

（點擊圖片放大）

張美妮稱時代不同，婆媳間遇到的問題亦有別以前。在疫情下，當母親的對小朋友的防疫衛生很注意，有次她一家三口和奶奶去白兔農莊遊玩，發現奶奶不時將口罩拉上拉落，「奶奶摸完啲白兔仔、狗仔又冇洗手，我哋玩完喺門口等車時，見到奶奶除咗阿女個口罩，我即時衝埋去大叫『唔好除呀』！跟住抱走阿女，嗰一刻我真係爆炸咗！」事後才都想到奶奶是長輩，既然自己深愛老公，都要愛他的媽媽，應以禮相待，張美妮說丈夫得出結論，「佢話婆媳之間唔好見得太密，見得多，磨擦機會就大，所以同奶奶有適當距離係啱嘅，其實夫妻之道都係一樣。」

Jade則表示，男人找老婆會找一個和媽媽相似的女人，笑言：「我奶奶好簡單，又成日唔記得嘢，同我真係好似！連我老公都話勁似……」與奶奶相處之道是怎樣的？「奶奶講乜嘢，我都會答『嗯、好、哦』，唔會加任何意見。」反而有一次奶奶和媽媽到其家中作客，她叫了一聲「媽咪」，結果兩人一齊回應，場面尷尬，「知道媽咪嗰刻唔開心，所以以後兩人同場，我會叫番奶奶做奶奶，媽咪係媽咪囉！」

（點擊圖片放大）

撰文：衛紫敏

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

《日日媽媽聲》︳御用婆婆許碧姬照顧腦中風女兒 拍劇集郵：阿女見到合照好開心 【下一頁】