黎瑞恩生死有命拒檢查腫瘤8年 愛女遺傳靚聲唱歌了得被拒入行

黎瑞恩昨晚接受馬浚偉的電台節目《同理‧繼續傾》訪問，馬仔形容近年跟小恩子合作無間，見她比見家人和愛犬的時間還要多；大爆綵排舞台劇時，台前幕後的所有飲飲食食都是由小恩子一力包辦，「每次排劇就好似食自助餐咁，見我雪櫃嘅貨開始少，佢就會同助手狂買……勁多雪糕、飲品、朱古力等『打爆』部雪櫃，仲未計不時有湯飲！」 小恩子解釋：「我同劇團嘅人唔熟，好似入侵緊人哋件事咁，自己諗做得唔好點算呢？做話劇嘅人好有理想、賺得好少錢……不如一齊食飯啦！有時見佢哋拎住麵包或者唔食飯，好似好陰公豬！可能因為我係媽咪，所以好鍾意照顧人，亦慢慢成為習慣，最緊要開心。」問到會否曾經付出太大而吃虧？她表示不會刻意去計算，不會防人亦不容易受騙。

去年「生蛇」｜黎瑞恩發燒肚痛憂胰臟腫瘤翻發 「我諗時間都差唔多喇！」【下一頁】

{{hket:inline-image name="186534243_4116741955050956_2865816777378975376_n.jpg"}}{{/hket:inline-image}}

小恩子形容自己生活、感情世界美滿，做到自己喜歡的事，用興趣賺到錢又可以幫到別人，在這時勢下讓一班工作人員有工開。提到早前參與「音樂永續」的計劃翻唱《念親恩》一曲，找來一對仔女客串和唱，她說：「呢個係監製嘅意思，佢哋唔識中文，特別係個仔講嘢好似西人咁。《念親恩》係我人生第一次參加歌唱比賽唱嘅歌；我個女梗係冇問題啦，但阿仔唔肯，我求佢幫幫手，當作係記錄佢15歲嗰把聲。阿仔好少唱歌，佢細個音準好強，但3歲之後就好少再聽到佢唱歌；反而大個之後，調番轉，家姐好唱得。」馬仔直言聽過小恩子的囡囡唱歌，非常出色，小恩子說：「佢有問我將來做歌手得唔得，我話唔得！你未讀完書就唔得，一定要讀完大學，畢業先！之後可以你鍾意做乜嘢都得，（真係得？）我唔會阻止佢，亦都唔會幫佢，唔想成日好似有特權咁，人生係要你自己闖出嚟，要阿媽幫你先至成功，咁你都好冇用啦！」

（點擊圖片放大）

黎瑞恩肖像被盜用開假帳戶 直播留言攻擊吳業坤「低級歌手」【下一頁】

提到早前在社交平台透露不幸病倒住院，小恩子表示是感冒菌入腸，內臟感覺想爆開一樣，加上發燒，於是入院檢查，「醫生畀咗粒止痛藥我食，冇晒事完全唔痛，但因為仲有發燒，就同醫生講我胰臟有兩個瘤，上一次檢查已經八年前，其實應該每年檢查，但我唔想知……自己總覺得生亦有時，死亦有時，每個人都有呢日，有乜嘢咁驚呢？死咪死，反而唔想去照幅射，本來冇嘢都可能變得仲衰！」她指醫生稱病痛是「鬱」出來，保持心境開朗對病情有幫忙，她一於照做，「醫生幫我照完，話見唔到八年前兩粒腫瘤，只見到兩撻疤，但呢八年我係完全冇做任何治療，係咪好神奇？因為我成日都開心，喜樂乃是良藥。」她以過來人的身份稱希望大家不要過分憂慮，有時候不是病死而是嚇死，做人最重要開心，不是「鬱」出病來，「唔愛錫你嘅人，點解仲要嘥時間喺佢身上呢？好好愛錫自己，健康有問題就開心面對，每個人都會經歷生老病死，擔心都冇用。」

{{hket:inline-image name="186479390_324250195728509_3130511968333945828_n.jpg"}}{{/hket:inline-image}}

{{hket:inline-image name="171197648_302220764598119_4783894168910804851_n.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉