楊受成探班似睇樓 梁朝偉劉德華《金手指》造型曝光

由梁朝偉、劉德華、蔡卓妍（阿Sa）及任達華主演的電影《金手指》，破天荒投資3.5億元開拍。身為老闆的英皇集團主席楊受成博士，日前連走兩場探班，先後到半島酒店及邵氏影城，除了參觀多個氣派靚景外，更現場直擊偉仔和華仔兩大影帝在酒店總統套房的精采鬥法。楊受成開心說︰「等咗兩位影帝十幾年，先等到佢哋再度『合體』，絕對機會難逢。」偉仔及華仔繼《無間道III終極無間》後，相隔18年再合作，二人的戲中造型亦率先曝光，飾演ICAC調查員的華仔刻意染一頭灰髮，偉仔的西裝look亦相當斯文。

除了兩位影帝，阿Sa、任達華及新演員胡子彤、岑珈其、何啟華@ERROR、徐浩昌（肥腸）在邵氏片場開工，楊受成也特地探班及萬歲，亦順道參觀戲中偉仔金碧輝煌的辦公室，猶如睇樓團般。楊受成大讚：「廠景布置十足豪宅咁，真嘅豪宅都無咁靚，雖然係用錢堆砌出嚟，但絕對值得。」