直播教煮餸｜肥媽患心理病夢遊落樓煮嘢食 「醫生話唔知係咪因為我掛住老公」

肥媽（Maria Cordero）每周都會拍攝網上煮食節目，近日她在節目中教粉絲煎和牛、煮軟殼蟹天婦羅及泰式牛扒沙律。在直播途中，肥媽被粉絲問點解佢手臂瘀咗一撻，她就話可能是自己夢遊時撞親所致，「醫生話唔知係咪因為我掛住老公，係心理病嘅一種。我話我都冇辦法，我真係掛住佢吖嘛！」

{{hket:inline-image name="m2.png"}}{{/hket:inline-image}}

肥媽因疫情封關禁飛一年多 被爆沙巴4千呎豪宅遭斷電斷水 【下一頁】

她續指，「夜晚夢遊時會落廚房煮飯畀老公食，我完全唔知。試過有次直情煮到啲嘢燶晒，鑊都燶埋！所以而家每晚都會將煤氣總掣熄晒先去瞓，就算落嚟都冇得煮。」

肥媽又直言本來不知道自己會夢遊，是家人影給她才發現自己有此情況，「初初我仲問邊有人夢遊會煮飯，後尾睇到佢哋影相，咁冇得呃啦！我睇咗心理醫生，佢話煮飯係我最開心嘅嘢，我最深層嘅嘢（想法）係想煮飯畀人食！」

早在2017年，肥媽在老公確診患上末期肺腺癌後已出現夢遊情況。她受訪時曾表示老公生前試過在她夢遊時跟住她，又看見她在煮完菜返上房時差點在樓梯摔倒，幸好老公見狀扶她一把。她又指醫生曾提議可以服用鎮定劑或安眠藥，但她拒絕。肥媽現在不時都會煲湯飲，平伏心情後夢遊情況也有減少。

（↓點擊放大睇圖片↓）

肥媽現時開live教煮餸，收入非常豐厚：「夠鐘上線我就化個妝、著條睡褲落樓下就可以開工，都幾舒服；而且每個月只係做四日，已經有六位數字收入，好過（喺）無綫，加埋廣告佣金，最高試過一個月賺40萬。而家有三、四個廣告，考慮中嘅有十幾個。」肥媽曾被兒子勸告退休，不過她自言無可能︰「如果完全唔做嘢，可能好快會病！」

{{hket:inline-image name="184765899_356466012504047_2968342974356669280_n.jpg"}}{{/hket:inline-image}}

TVB疑下「限廚令」｜《煮場爭霸》大受歡迎獲添食 黃亞保張錦祥有望再次「火」併 【下一頁】

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】