《潮什麼》系列帶挈廣告│梁芷珮開直播遭Haters狙擊感觸 「我只係努力賺錢養大仔女嘅媽媽」

梁芷珮（Christy）拍攝自家製旅遊節目《潮什麼》系列大受歡迎，由J2移師翡翠台播出，更獲得不少機會參與劇集拍攝。Christy形象正面，加上旅遊節目夠貼地，令她近年人氣急升，吸引不少廣告邀約；她亦非常親民，不時在社交媒體同家人直播，分享生活。昨晚，Christy應廣告商邀請為產品直播，沒想到惹來不少「反TVB」的haters加入，直播未正式開始已經留言攻擊，主要內容是反對用TVB藝人做宣傳。Christy在直播期間不時睇留言，被洗版式言語攻擊，她不但沒有受到影響，繼續笑容滿面完成介紹產品的工作。

為J2拍新節目｜梁芷珮老公「失手」航拍機墮海 除剩內褲落海搵 最後點收科？【下一頁】

{{hket:inline-image name="180068276_307416567421827_3853015873248412371_n.jpg"}}{{/hket:inline-image}}

{{hket:inline-image name="chr2.jpg"}}{{/hket:inline-image}}

{{hket:inline-image name="chri1.jpg"}}{{/hket:inline-image}}

Christy完成工作後在社交平台撰寫長文，她先感激喜歡她的粉絲，「一個普通嘅師奶仔可以儲到十幾萬粉絲，我已經好滿足，好開心，能夠有今日嘅成績，我真係好感恩。」表示自己勤力工作不是只為自己，而且要養活三個小朋友，「我哋冇靠屋企人，未搵到工又冇地方住，劏房都住過，冇錢請工人姐姐，大仔咪周圍搵人幫手湊，我哋乜嘢工都做過，我做過娛樂記者，空姐，上樓時裝店嘅sales、reception……我老公bartender都做過，之後教golf先開始有穩定啲嘅收入。為咗小朋友可以喺輕鬆環境讀書，我地用咗一大半嘅糧供佢讀國際學校，生咗二仔後，我哋嘅收入根本唔夠供兩個小朋友讀國際，所以先讀homeschool。好感恩呢幾年可以幫公司拍旅遊節目，多咗人認識，多咗好多KOL嘅工作，收入穩定咗，就可以比到更穩定嘅生活三個小朋友。」

（點擊圖片放大）

潮什麼│梁芷珮疫情下冇得飛停拍1年多 終重新出發拍攝全新J2節目【下一頁】

Christy希望勤力工作，簡簡單單的生活，不希望因為來自TVB而受到針對，希望haters可以遠離她。「我哋每日都好努力咁工作，忙到冇時間陪小朋友。每一份工作都係有血有汗換返嚟嘅；我勤力做嘢，唔係淨係得個講字，所以希望各位高抬貴手，唔好因為我來自邊度，喺邊間公司做嘢而抹煞我嘅工作機會。我只係一個努力工作，賺錢養大仔女嘅媽媽，世界上每一個父母都係咁。你哋如果唔鍾意一樣嘢，其實真係可以唔睇或者直接block咗我，然後follow番你地喜歡嘅嘢。我個人好簡單，有嘢就做，有工就開，大家開心，簡簡單單就得㗎喇……」

（點擊圖片放大）

責任編輯：楊安莉