前新聞主播轉職保險│郭詠琴曾被封5大身價女主播 自爆曾素顏被急召直播報新聞

前新聞主播郭詠琴（Elsa）近日在個人專欄和電台節目中公開為患腦癌4期的城大學生梁瑜晞作出呼籲，除了希望為他尋求醫學治療上的建議外，亦呼籲大家為他籌募醫藥費。事件得以廣泛轉發後，組合C AllStar都作出公開呼籲，為梁同學打氣，祝福他可以早日康復。

前無綫主播│鄭萃雯親解當年報新聞落淚真相 被叫錯盤翠瑩當場失笑認欠專業【下一頁】

{{hket:inline-image name="elsa1.jpg"}}{{/hket:inline-image}}

今年44歲的Elsa久未有公開露面，她近日接受新城電台《主播會客室》訪問，跟主持人洪綺敏同樣是昔日電視台的新聞記者及主播，大家共事過，亦經歷不少，談起天來都回憶滿滿。提到入行的經歷，Elsa稱爸爸在她讀書時候已經因病離世，而當記者是對亡父的一個承諾。「當時我爸爸在醫院病重，佢咁多年辛苦工作，就（因為）咁啱cut咗份保險，所有治療都被迫要去公立醫院，而且佢得到唔係咁好嘅對待。好深刻有一次，雖然爸爸40幾歲，但已經病到失去活動能力，醫院綁佢喺輪椅上面。我哋去探佢，見佢塊面有個鮮紅色被抓嘅血痕，我真係好嬲，當時許下一個承諾，一定要為冇能力（嘅人）同低下階層去發聲。」

Elsa表示起初獲老師賞識加入經濟日報財經台，但2000年突然裁員，令她非常迷惘，「當時爸爸走咗，得媽媽一個撐起個家，我真係驚到喊。原來老師默默幫我安排另一條路，去到亞洲電視，不過由於唔夠人手，唔止做財經記者，要做埋港聞；不過咁樣令我見識多咗，我又有機會做節目主持和報道新聞。」

（↓點擊放大睇圖片↓）

提到2004年，Elsa獲邀加盟NOW TV主播，當年被雜誌將她列入最高身價五大女主播之一，非常厲害，「當時咁啱有雜誌報道先上封面，我冇做過身價比較，自己覺得係一份Honor（榮譽），當時真係啱啱出道咗冇耐，仲有好多表現得好好嘅行家。女主播畀人一種幻想，可能大家好好奇佢哋生活係點......雖然唔係藝人，但成日喺電視機見到，觀眾會覺得親切。」她記得當年五大女主播還有趙海珠、林燕玲和張慧慈等，由於24小時新聞台成為各大電視台競爭的焦點，加上NOW TV老闆李澤楷「揼本」宣傳，她說：「佢幫我哋做鋪天蓋地宣傳，銅鑼灣Sogo對面個大電視廣告，全港巴士車身、地鐵、報紙都係我哋個樣，（咁你咩感覺？）即刻拎電話selfie先啦。的確因為咁樣多咗人認識，但都要更加努力做好自己工作，冇諗咁多。」

離巢潮｜無綫主播王俊彥宣布離巢不捨道別 張文采下嫁消防員成幸福人妻【下一頁】

{{hket:inline-image name="10391583_1280396174227_2421172_n.jpg"}}{{/hket:inline-image}}

{{hket:inline-image name="21872_1320460495810_1921704_n.jpg"}}{{/hket:inline-image}}

{{hket:inline-image name="18572_1310535167683_4693709_n.jpg"}}{{/hket:inline-image}}

Elsa表示自己初入行時曾經被採主批評她雞仔聲，不適合報道新聞；後來她花時間不斷讀報紙練習，每天又會重溫自己報道新聞的片段，反覆檢討和練習，最終成功成為主播。「印象深刻係我曾訪問一個貧苦家庭，報道出街之後，佢哋得到幫助。有一日我喺旺角坐小巴，落車時司機問我係咪郭詠琴，佢好多謝我當時嘅報道，唔肯收我車資。原來做好本分，報道事實真相，真係幫到人。」Elsa稱做主播壓力大，由於自己有輕微近視又配不到隱形眼鏡，一有突發新聞就會很擔心看不到字幕機。她記得有次素顏突然被召喚入直播室報新聞，說：「當年喺亞視報新聞，準備放工時，突然聽到導演嗌咪叫主播5分鐘入廠；當時有好多同事係度，你眼望我眼。所有人都冇化妝，因為主播生活真係好簡單，唔係入廠係唔會化妝。我入廠時已經得番一分鐘，點知原來係硬性新聞，30秒完全冇新聞畫面，剩係拍住我大頭。報完即刻收到電話，老總問發生咩事，點解郭詠琴冇化妝，話嚇親佢。」

（↓點擊放大睇圖片↓）

Elsa笑笑口求大家千萬不要去找當日片段，她不想再回憶。Elsa於2010年除夕夜正式離開TVB新聞部，後來到不同機構出任公關；近日，Elsa正式轉戰去AIA做財富管理，她直言在疫情下對人生睇法都大為改變，希望透過現職幫到不同的人。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉