好聲好戲｜陳自瑤搵「星爺」助攻攞滿分 洪永城後來趕上楊潮凱出線受壓

TVB配音比賽《好聲好戲》昨晚（25日）繼續進行「拍檔聲演」環節，繼楊潮凱孖孫慧雪聲演《天地豪情》張家輝、蔡少芬後，輪到其餘三組上陣，陳自瑤和張頴康聲演《他來自江湖》梅小惠、周星馳；洪永城和林夏薇聲演《西遊記之大聖歸來》孫悟空和江流兒，羅毓儀和李紹堅則聲演《缺宅男女》鍾嘉欣和吳卓羲。結果三組獲得「7綠0紅」的滿分成績，令「6綠1紅」成績的楊潮凱出線的機會大打折扣；至於專業評判團的一票，亦由表現大勇的陳自瑤奪得。

{{hket:inline-image name="05262016.jpg"}}{{/hket:inline-image}}

{{hket:inline-image name="05262015.jpg"}}{{/hket:inline-image}}

好聲好戲｜洪永城配唔掂「丁蟹」捧蛋滴汗 《愛回家》「路小小」激動喪喊【下一頁】

陳自瑤找來好友張頴康聲演《他來自江湖》，可謂找對了人，這回合獲得滿分，主席評判之一的阿姐（汪明荃）亦大讚張頴康的配音效果很似「星爺」周星馳，「我覺得佢哋好配合，阿康令人好驚喜，講嘢時嘅節奏真係好似周星馳；我睇到你哋好放鬆，雖然你哋話好緊張，感覺到你哋好輕鬆喺度嗌交咁。」專業評判之一的「小丸子」鄭麗麗提議陳自瑤語氣上再傻一點會更好。

陳自瑤見到評判全部撳綠燈，一度激動落淚，「我頭先一路配（音），隻手痺咗，想發力都發唔到……呢段戲好好，好有發揮，多謝大會；多謝我嘅拍檔，佢真係好好，唔理有無騷（錢）都幫咗我先。」其後她在IG分享個人感受，「記得大會揀選了這條片讓我和拍檔聲演，當初我很苦惱，要找一個合適的人選去聲演周星馳，真的談何容易？加上每個演員都很忙，還要擠出時間和我一起練習，真是難上加難！正當我非常苦惱之際，我想起了張頴康，因為之前拍攝的一齣劇，他是我的好拍檔，也是一位非常用心的演員，加上我覺得他的外型、平時說話的語氣跟星爺有幾分相似！當我找他的時候，他說聽到我的聲音很無助很可憐，所以他就二話不說一口答應！（麥雅緻也有幫口）」

{{hket:inline-image name="05262017.jpg"}}{{/hket:inline-image}}

{{hket:inline-image name="05262018.jpg"}}{{/hket:inline-image}}

好聲好戲｜楊潮凱唔滿意演出過火當場爆喊 拍檔老友孫慧雪：係我連累咗你【下一頁】

陳自瑤不忘多謝張頴康幫手，「好拍檔，我想講，真係好多謝你！多謝你肯花時間同我一齊練習，練完……你同老婆仲要煮埋飯畀我食！沒有你，沒有這個演出，你的聲線語氣真的很像星爺，你真係演繹得好好！多謝你同我一齊經歷美好旅程！兄弟，感激你們一家！」

此外，洪永城亦令評判大為改觀，阿姐說：「其實我頭先驚驚哋，因為佢上一次配得無咁好，同埋其他組配得咁完整……但係你配呢段（《西遊記之大聖歸來》的孫悟空）又好嘢喎！」資深配音員陳永信也讚他表現不錯，略嫌說對白太清楚，不似一隻猩猩王在說話，建議他配音時能夠放膽一些。

（↓點擊放大睇圖片↓）

羅毓儀搵嚟訓練班同學李紹堅幫手，攞到滿分成績，喜極而泣，阿姐笑說：「眼淚係值得，兩個做得唔錯，完全投入咗去齣戲度（《缺宅男女》的鍾嘉欣、吳卓羲）。」韓馬利欣賞二人拖住手比賽，互相給予信心；陳永信讚羅毓儀進步很多，認為這對拍檔都是新人，互相扶持下出來效果很好。

羅毓儀邊喊邊說：「好多謝天生哥（粵語配音導師龍天生），一開始時我唔知點算，只係望住你，我望住你個心就定好多；同埋我想多謝妹妹，因為佢喺屋企一直好支持我，經常陪我對戲，好多謝佢，又要多謝阿堅（李紹堅），有佢喺度我鎮定好多﹗」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】