【聲明】港生活網站並無進行電話推廣活動

做中女無壓力 阮小儀趙學而樂與皺紋共存

發佈時間: 2021/05/27

趙學而和阮小儀近日在ViuTV新節目《中女唔易做》中,首次「轉行」體驗不同行業苦與樂。今年同樣已「入五(50歲)」的學而和小儀,是名副其實的「中女」,然而在靠樣搵食的娛樂圈,兩人拒絕「加工」變美魔女,堅持光明正大將皺紋展露人前。

趙學而與阮小儀日前接受訪問時,異口同聲表示到了三字頭後便自覺是中女,小儀更坦言自己在30多歲時最難接受。「嗰時仲係單身中女,但過咗40歲呢關之後,世界又唔同晒,嗰刻要搵嘅唔係結婚對象,係要搵一個令到你餘生快樂嘅伴侶,以前會被傳統思想植入,覺得女人一定要結婚生仔,但其實一切只係自己畀自己嘅壓力同枷鎖。我依家愈嚟愈享受呢個年紀,亦會忠於自己,只要唔好傷害人,咁就每分鐘都好快樂。」

不過學而跟小儀的心態卻完全相反,就算甩拖也可以獨自快樂。學而說︰「雖然我唔算靚,身材又唔係好,但做咗咁多年有啲知名度,就算甩咗拖,自己一條友孤零零,但去邊都好開心、好享受,可以睇多啲世界,識多啲唔同嘅人,我唔係嗰啲要好積極去識人拍拖,唔拍拖一陣都唔係問題。」學而和小儀表示踏入50歲後,人生每一天都開始在倒數,更加要珍惜每分每秒,令自己活得精采,其中一樣令自己活得年輕的方法,就是和年輕人一起工作。

姊弟戀有經驗

事實上,小儀最近毫不掩飾對24歲MIRROR成員呂爵安(Edan)的「愛意」,她笑言︰「鍾意小鮮肉有咩問題?但我真係未試過同細自己咁多嘅男仔拍拖,頂多都係細兩年,而且都溝通到。」身旁的學而搞笑說︰「咁你得閒打畀我傾下偈嘞!我以前好多個男朋友都係年紀比我細,就算我老公都細我兩年,年齡只係一個數字,最緊要思想上溝通到,如果溝通唔到,日後只會日日嘈交,咁揀嚟做咩。」學而的一番言論,不禁令人聯想起她當年和謝霆鋒的一段姊弟戀。

接受天然微調

現今科技發達,女士變靚啲十分容易,但二人卻拒絕「加工」。學而說︰「點解要做美魔女?我唔要零毛孔,人本身需要有缺陷,例如雀斑、皺紋、眼袋,係陪住我哋成長,係屬於我先有,唔一定要抹走或整走佢。我會接受天然微調,好似人手幫你推或者按摩,但打針就接受唔到。」至於擁有「童顏」的小儀則自嘲樣子成熟,唯獨身高可以欺騙人︰「身高令我有優勢,如果我有193(郭嘉駿)咁高就唔係咁講喇,係呢個位着數,但又無得比較。」

服裝:tout a coup(趙學而)、STARS & TART(阮小儀)

撰文︰倪小珊

美術︰梁政敏

攝影︰林良明

做中女無壓力 阮小儀趙學而樂與皺紋共存

小儀在節目中,向有50年耕作經驗的農夫請教耕種心得。(IG圖片)

做中女無壓力 阮小儀趙學而樂與皺紋共存

(左起)康子妮、朱薰、小儀、杜如風、趙學而和楊思琦在節目《中女唔易做》齊齊「轉行」打工。(IG圖片)

做中女無壓力 阮小儀趙學而樂與皺紋共存

單身的小儀經常在社交網上載跟愛犬的生活照。(IG圖片)

做中女無壓力 阮小儀趙學而樂與皺紋共存

學而去年底在社交網上載婚禮照片,慶祝結婚九周年紀念。(IG圖片)