【聲明】港生活網站並無進行電話推廣活動

信和$2000萬獎賞 旗下商場響應消費券計劃

發佈時間: 2021/05/27

政府$5,000電子消費券密鑼緊鼓推出,黛安知道最近各大商場都籌備緊連串推廣活動。聽公關姐妹講,信和集團旗下商場,包括屯門市廣場、奧海城、荃新天地等,嚟緊會送出超過$2,000萬豐富禮遇,多買多送!

公關姐妹話,信和集團同協助發放消費券嘅電子支付營辦商之一AlipayHK達成合作,消費者可以喺商場不同零售商戶、食肆同戲院使用消費券,不設消費金額限制,更可以連同商場嘅獨家購物優惠券一齊用,享受折上折!除咗參與消費券計劃,顧客仲可以用其他信用卡同任何電子消費模式,參加商場消費推廣活動,有機會贏取全城熱搶嘅演唱會門票。至於係咩演唱會呢?暫時賣個關子先。

另外,信和集團商場喺7月暑假旺季,打響頭炮同虛擬銀行livi bank合作,搶閘推出現金回贈大抽獎,可連續7個星期參加「每周$5,000幸運賞」,每星期得獎名額有30個,合共送出總值$105萬現金回贈。公關姐妹話,顧客只需要喺參與計劃嘅商場,消費滿$300就可以參加,以livi bank消費仲可享有額外抽獎機會,而抽獎機會係每星期累積,幸運兒有機會贏取高達$35,000現金回贈。

信和$2000萬獎賞 旗下商場響應消費券計劃

信和集團 S⁺REWARDS會員憑指定優惠碼,喺livi bank開戶可獲贈$250回贈,介紹朋友開戶仲有機會額外獲取$5,000推薦回贈㖭。

撰文: 黛安 消息特靈八卦公關
欄名: 八卦名利場