【聲明】港生活網站並無進行電話推廣活動

公益金籌款 你捐$1長江集團雙倍捐$2

發佈時間: 2021/05/27

「萬眾同心公益金」將於本周六(29日)籌款,黛安收到風,長江集團今次將聯同李嘉誠基金會再啟動「長江捐款熱綫」,屆時公眾致電熱綫捐$1,長江集團聯同李嘉誠基金會就會雙倍支持捐$2,籌得嘅善款全部撥捐去年成立嘅「公益金及時抗疫基金」。

今次活動更加獲長江集團主席暨李嘉誠基金會副主席李澤鉅加持,親身演繹以「雙重身份」示範「你捐$1,我捐$2」嘅善舉,認真唔話得。

公關姐妹話,疫情肆虐超過1年,公益金自去年2月中成立抗疫基金至同年8月底,第1及第2輪共批核逾9,600宗申請,發放近$6,680萬,惠及超過24,300名有需要人士。早前亦公布開放第3輪抗疫基金,受疫情影響而導致失業、減薪及開工不足而導致面對經濟困難嘅各行各業人士,可以係6月30日前透過「及時雨基金」27間夥伴機構轄下96間批核中心申請。

撰文: 黛安 消息特靈八卦公關
欄名: 八卦名利場