安息禮｜林淑敏病友聚餐與李明蔚結緣 早年患乳癌讚好友堅強樂觀抗病

抗癌歌手李明蔚（Sarena）力敵癌魔9年 ，月初與世長辭，終年31歲。家人今日於尖沙咀一教堂為Sarena舉行安息禮拜悼念。Sarena早年以組合「小龍鳳」成員身分出道，2012年證實患上罕見嘅鼻咽腺樣囊性癌，之後就展開多年艱苦嘅抗癌之戰。

{{hket:inline-image name="34501181_10156554637287948_7322438967847026688_n.jpg"}}{{/hket:inline-image}}

Sarena多年來先後接受近40次電療同化療，佢嘅抗癌之路得到唔少人支持，可惜病情一直反覆，最終仍不敵癌魔離世。

Sarena家人下午為她假聖安德烈堂舉行安息禮拜，儀式結束後靈柩奉柩鑚石山火葬場火化。教堂門外及入面擺放住明蔚喜愛的粉紅色花圈，不少圈中人包括古天樂、張衞健、周慧敏、「大小姐」林淑敏、周嘉莉、麥貝夷、李蘊等亦有送上花圈致哀。下午1時多靈車到達，運送粉紅色靈柩入教堂，見到教堂入面擺放住明蔚戴住粉紅色及白色花環微笑的遺照。一直非常關心Sarena嘅馬浚偉亦早已到場，仲喺安息禮拜為對方獻唱。

（↓點擊放大睇圖片↓）

生前病友林淑敏受訪時神情哀傷表示：「其實我認識佢差不多有8年時間，係喺一次病友聚餐嘅時候認識。當時我見到佢，以為佢喺陪屋企人，但原來佢都係我哋一份子，佢畀我嘅第一個感覺係好靚。（佢走嘅時候，有否在她身邊？）我唔喺，因為我近幾年工作都好忙，所以都少見面，只係透過短訊問候對方，又或者透過IG互畀Like支持。」林淑敏指大家應該好好向Sarena嘅不屈正面精神學習，因為Sarena在病情處於極大痛苦時仍向外界展示自己堅強嘅一面。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】